金加利冰室 (Closed)

好似話裝修過嚟，跟住就入去試吓。座位方面，其實坐得好舒服，因為兩個人可以安排到一個類似四人座位嘅枱，坐得幾闊。早餐選擇十分之多，中式西式都有，沙律等等，不過價錢就比較貴。叫咗一個五香肉丁通粉($39)加到牛油方包($1)腸仔煎熟蛋+ 冬檸茶($3)。五香肉丁通粉，個湯底好淡，接近冇味，個通粉特別漲大，我鍾意食啲比較細粒啲嘅通粉。五香肉丁都OK正常發揮。個牛油多士係厚多士嚟嘅，食飽飽。但係覺得佢可以再脆多少少。朋友叫左奶油豬，呢個真係要成讚下， 十分十分之趣，好好味！比牛油多士出色太多了！其實整體來講，佢嘅份量係比較多嘅，所以價錢就比較貴。但係對於一啲普通食量、女士來講，要收呢個價錢食大份量的食物，就比較不太化算。但是還是可以再幫襯的。