海港酒家

Open Now

Now Closed

放咗 2 日中秋假，諗住星期六有啲人要返工會少啲人飲茶，點知去到門口已經有班人等位，咁唯有乖乖攞飛等位啦！奇就奇在。 。 。點解 2 位檯有分 A 同 B 組呢？初初諗住係搭唔搭檯嘅分別，但又有人攞 3 位飛佢又話張檯只限 2 位照比佢，咁我哋呢啲擺明得 2 位嘅佢又唔叫？謎底終於解開，隔咗陣佢就叫咪，茶皇廳茶錢貴 3 蚊唔駛等即刻有位。 。 。咁唔想等就每位連加一比多 ＄3.3 啦 😔😐由坐底到叫茶都感覺良好，唔知喺咪疫情關係呢？每檯分隔闊落舒服，唔會迫迫咁。點心方面就一半半，雪山义燒飽同腸粉上檯唔熱，只係微暖，還好魚肉腸粉無醒味，燒賣同小籠包就熱辣辣，有煙出 👍疫情其實未過，因屋企樓下間酒樓又搭檯又迫，所以短時間應該唔會去飲茶，行遠啲嚟呢度，貴小小而可以享受片刻嘆茶樂趣也可接受。