壽司派 (Closed)

通常食迴轉壽司都鍾意坐bar枱, 貪佢可以睇啱邊碟拎邊碟, 但今次食迴轉壽司, 竟然order的比响迴轉帶上拎的仲多, 因為佢轉嚟轉去都係果d壽司, 啱啱食時都叫做可以有幾碟心水, 但食完果幾碟心水之後, 已經睇唔啱有咩想食, 唯有order~開頭仲以為佢好似元x果d咁, 你order乜, 伙計就响條迴轉帶度搵比你, 但呢度係睇住佢叫order即整, 絕對新鮮, 所以下次可以考慮坐周圍舒服d果d枱, 唔駛一定坐bar枱lor~佢d壽司都幾新鮮, d魚唔會擺到起哂鏡, 而且壽司細細舊, 塊魚生大過佢, 好似好抵食咁~ 但始終d飯細舊, 所以唔係好飽肚, 我地兩個人食咗十幾碟, 其實都未飽, 但最後叫果碟箱押唔之乜壽司, 舊飯超大舊, 食完佢之後真係可以收檔.........咁多壽司當中, 最抵食係鵝肝壽司, 食過咁多間壽司舖, 以價錢嚟講, 佢舊鵝肝真係物超所值, 仲大舊過舊飯, 真係超大舊lor~~除咗叫壽司之外, 仲有叫咗d炸嘢, 普遍都唔錯, 連個炸三文魚皮都唔腥, 正~雖然坐bar枱, 但bar枱上係冇水掣, 冇得自己斟水, 但侍應姐姐都好常斟水, 唔錯~