塚田食堂

Open Now

Now Closed

平時好少嚟坑口食飯，今次比依間日式料理餐廳吸引咗。餐廳有好多吾同種類既野食，包括有自選料理套餐、壽喜燒、定食、燒肉、咖哩等等，所以一定有你岩食既野。餐廳仲有個人既電磁爐，每個人都可以自己一鍋，食吾同既野添呀。😋天婦羅鍋燒烏冬定食店員會原個鍋咁上餐，之後放係個電磁爐上味煮滾，天婦羅已經炸起咗，鍋入面有冬菇、烏冬、紫菜。個湯都幾清，吾會太heavy。而天婦羅都有好多款式，包括兩隻蝦、南瓜、茄子、粟米仔、蛋。第一次食蛋既天婦羅，都幾特別。定食仲包咗啲前菜同埋一個迷你魚生飯，個魚生飯都好足料，有甜蛋、三文魚、三文魚子同埋吞拿魚。😋滑蛋豬扒定食定食包咗個麵豉湯同埋前菜。滑蛋豬扒用咗鐵板上，但啲蛋都依然好滑，吸晒豬扒汁既味，用嚟撈飯真係岩晒。豬扒都炸得岩岩好，個外皮吾會太厚，豬扒既肉質都好滑。