新味館拉麵 (Closed)

來到坑口，本來專程去食牛肉羮 (http://www.openrice.com/restaurant/sr2.htm?shopid=17415)，入到去先發現原來已經再無牛肉羮供應，餐牌上只得基本的車仔麵及碟頭飯，相當失望，唯有硬著頭皮行番出去，剛好經過這間新味館，全店竟近爆滿，就入去試試。新味館主打賣的是蘭州拉麵，亦提供手擀麵及刀削麵等選擇，同時覆蓋了四川、上海、北京等口味，就連港式炒粉麵飯也有，都幾犀利。由於以街坊生意為主，價錢比較大眾化，環境裝修也不用太講究，夠闊落，坐得舒服就可以了。我要的是北京水餃蘭州拉麵 ($30)，湯底是奶白色的豬骨湯底，灑下不少香蔥，配上長長而帶韌性的麵條，味道略為清淡，忍不住要落些醬油吊味。水餃則呈元寶狀，相當大隻，或者要留作宮廷餃之用，餃皮相對上較厚，幸餡料帶點湯汁，吃起來還算可以。另一道番茄牛肉刀削麵 ($36)，以鑊仔上賣相醒神，番茄也下了不少，湯底雖然色水淡，但食落番茄味甚足，牛肉不算腍滑，但幾有嚼頭，好過入口即溶的梳打貨。刀削麵則厚薄適中，入口煙煙韌韌，不會煮得過硬或過淋，確比想像中來得好吃。麵食附送餐飲，埋單也不過七十，實在抵吃，這裡離我家