新味館拉麵 (Closed)

今日囡囡放假，提議去吃她既至爱飯餐。走到不遠處就找到這一家食店，門面比較古老，走進店內還设有食客，可能還未到晚餐時段吧。向老板點了番茄豬軟骨刀削麵，小籠包。不消五分鐘已經送到我們面前，老板還免費送我們豆漿呢!豆漿好有豆香味，又不太甜，好味到呱呱叫。至於刀削麵，麵身太軟，湯內有半個大番茄，椰菜，添加營養，反而豬軟骨肉質少少嚡，少少似湯渣感覺，失分!!反觀小籠包，皮有D厚，幸好內裡肉汁鲜而美，可惜5隻中有1隻皮已破，肉汁也偷偷地流失

本來諗住發掘下將軍澳有咩新野好食，所以就行入左呢間新味館，點知就中左伏我不嬲都鐘意食小籠包同四川担担麵，所以一入去就決定左要食呢兩樣。等左十分鐘到，個四川担担麵到左，係一碗清湯拉麵加一碗類似炸醬既物體，當時已經心知不妙，一食落去，完全吾似食緊四川担担麵再等多十分鐘，個小籠包到左，嘩層皮厚到係有湯同新鮮熱騰騰，但真係吾好味，未試過會食淨小籠包既，平時係爭住食嫁嘛，超失望！雖然大粒，但d肉吾好食。總之，不會再去！

已經不是第一次光顧,是次晚飯總想留個評價,等位,上菜,味道大讚! 但價錢略為有點貴! 總括今次評分- "7分"(10分為滿分) .值得推薦下列相片中的菜式 - 《宮廷煎餃》皮薄帶有肉汁,配上打底的蛋皮是一絕的👍🏽👍🏽 (不過建議可落小一點油，另一樣推薦的 - 《雞絲粉皮》,味道口感都吾錯🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾🤘🏾

今晚終於帶媽媽黎食li間我日日放工落車都會經過既麵店～～可能我平時太常食美/意式菜，反而簡簡單單既一碗拉麵更覺得美味，湯底就算未食都已經聞到陣陣濃郁既雞湯味，夠清而且唔鹹,雖然我唔太食偏軟既上海拉麵，但佢哋既麵唔算太軟，所以我個人接受到，最好味既當然係主角五香牛𦟌啦，肉質好稔，但牛肉味仍然好出，好想齋叫一盤牛𦟌就咁食呀😂😂 食東北菜又點少得餃子呢？！隻隻都皮薄餡靚，不過肉多過韮菜，如果多返d就更加好啦！得閒的話我應該會再試下其他餸菜～～

第二次係新寶城搵野食，今次有經驗啦，睇左食評先，睇中一間叫新味館拉面，見佢選擇多，價錢合理，一於試下啦，午餐時段我選左個黑椒豬手飯43蚊涷飲加2蚊，幫我落單個後生好勤快，等左5分鐘左右來到，白飯大大碟，熱辣辣，d米唔算太cheap抵讚，豬手夠軟熟起碼有4,5舊 個黑椒汁夠野味微辣帶甜，仲有椰菜墊底，涷涷地，即刻想大大啖食落去，整體唔夠但若果唯一要我批評既就係豬手無咩肉，太多骨，食完再睇下餐牌，仲有好多選擇，下次應該會試下小籠包，有機會再去，加油

呢日去朋友屋企玩, 未食午餐, 行經呢間新味館, 北方菜, 而且都多人食, 所以就試下喇。佢有小食同粉麵飯, 小食有小籠包, 餃子, 豆沙鍋餅等。粉麵飯有炒年糕, 湯拉麵同炒飯等等, 選擇都多。叫左柱侯排骨刀削麵, 揀左蕃茄湯底, 跟餐有一杯熱飲, 叫左熱豆漿。一開個外賣蓋, 見到成碗滿嘅排骨, 飲啖個蕃茄湯, 有啲似自己滾嘅蕃茄湯, 都幾好味。刀削麵可能自己削, 比較厚片, 好飽肚。排骨冇柱侯味, 但肉淋, 唔鞋口, 份量多。總結黎講$43一碗都幾抵食, 份量大, 2個細食嘅女仔可以share食, 味道正正常常, 下次可以試下炒年糕或炒麵。

友人介紹，話呢間麵店所有麵食都係自家制，唸住去試試啦…入到店內環境就真係一般啦，坐位之間都幾貼吓,而待應態度ok。我叫咗碗野菌回鍋肉刀削麵$49,套餐免費配杯豆漿，問有否熱的，待應好好話幫我“叮”熱。跟住等咗大約10分鐘，碗麵嚟咗，好足料，個回鍋肉都幾有“獲”氣，但碗麵就……勁硬，講真……食刀削麵真係去深水埗食會好太多……。

媽咪今晚同舊同事食自助餐，飛甩我同老豆喺屋企 食自己，我地又費事煩又洗又切又煮，落街街去孖老豆食個便飯吧。呢間新味館拉麵，喺新寶城附近，集合左上海，台灣，川菜等菜式。室內環境一般，簡單裝修配上木餐桌椅，燈光光猛。應該大都是街坊才會來到那邊吃飯～店內食物價格大多是$3x～$4x不等，貼上的紅紙，代表著價格又更新了吧～五香牛肉拉麵配豆漿 $43拉麵林度剛好有咬口，牛肉入味，份量也可以，唯獨湯底太清。豆漿不夠濃，應該是水太多的關係吧～乾蔥豆豉燘雞 $58碟頭夠份量，用青紅椒乾蔥豆豉爆香，有鑊氣，味道惹味，雞件件件大件，肉質嫩滑唔鞋身。我今晚介下盡量食少d澱粉質冇叫飯，如加白飯$9～埋單$101，出街食喺呢d價～價錢一般啦～食緊飯嘅途中，媽咪喪send 自助餐d豐富食物相過黎，想點先？！我咪send 番同老豆食飯d sweet sweet相俾佢囉！

住左坑口一排，附近全部連鎖店,被迫狂煮飯，今日實在太熱，落街食，行過見到呢間野，入去一試好坦白講佢個門面一啲都唔吸引，係比個餐牌吸引左入去，因為見到有上海野同客飯我叫左酸辣湯雲吞拉面轉年糕，年糕要加三蚊同行叫豬軟骨飯，菜到既時候都幾驚訝，大大碟，豬軟骨好好味，入炆到啫喱，不過有舊好乾身，大致係好味既湯年糕真係嘩左一聲，勁大碗，我完全食唔晒，同埋啲年糕好厚好煙韌，又唔會太淋同太生，酸辣湯好足料，有明顯的豬紅，仲跟埋凍豆漿如果兩個女仔叫一個餐同一個小食都夠飽不過啲亞姐服務style 超raw,食服務既食友請你唔好試呢間野

整天不停下雨，提不起勁外出用膳，就在坑口選擇，想起已兩年多沒幫襯這間新味館，今晚就再去，估不到經歷那麼差。坐低後稍為看看餐牌，就揮手叫侍應落單，本想叫鍋貼，但看到餐牌是寫蒸餃，為免落錯單，多問一句蒸餃是否等於鍋貼，店員極不耐煩地開始用超長尾音回答。。。，句句字尾加個囉字，非常討厭！！！最後我放棄再問，落柯打吧上海粗炒，麵條超硬，無鑊氣，配料又少，椰菜只得幾塊碎片，雲耳硬如橡筋！！吃左一少碗已感覺胃痛有肉汁，但包皮好硬豆沙鍋餅，外皮又厚又硬，完全唔夠功夫！！豆漿無豆味，一般過一般埋單$104；建議消化能力夠好才好幫襯，因為大部份食物都非常硬，惡消化，我就唔會再去了

刀削麵加$3，凍飲加$2豬軟骨大大件，真係估佢唔到!!!行完山見到真係當堂有番D力!! 當然大件得黎又軟又入味先係最值得讚!!!刀削麵睇得出係人手造，比較厚身有咬口，我個人係鐘意呢種面，所以呢個麵絕對係我既五星之選!!鐘意食少少辣野既可以食呢個~其實佢係料同面分開上~如果食唔到太辣就唔好連埋D油倒落去~呢個麵，口感好好，滑身有少少煙韌，配埋混左唔同醬既肉碎，好香好開胃左係回鍋肉炒年糕(4粒星星之選) 右係宮廷煎餃(大)炒年糕ok~聞落去好香食落去都好食~回鍋肉係有肥肉果隻，食落去係比較有油香味，年糕自然係上海年糕，相比韓國年糕無咁煙韌煎餃下底有層蛋樣，係幾特別既，不過煎餃係全肉……脹卜卜既一隻裏面都係肉，對於食開韮菜同肉係1比1既餃子既我地就覺得好食但有D唔習慣，至於仲就讀小學既表妹就大愛呢款餃子!!!!!!一個人食左6隻!!!!!!食上海野少得小籠包~即叫即蒸~用料足~充滿湯汁~配上既醋比較酸~點少少已經足夠~為呢一餐畫上完滿句號~

荃灣山西刀削麵，一個月最少吃一次，今次來到這邊來打球，獨自先找找食物吧。將軍澳看似多個商場連在一連，好不熱鬧，但其實內裏又是連鎖餐廳居多，毫無新意。結果走到商場外圍，終於找到數間「似乎」不是連鎖的餐廳，那管只是普通的餐廳，總比起長途跋涉來到這邊，卻又吃M記新奇有趣吧。有點兒生病，吃個清清的水餃刀削麵就好了。配有一杯凍豆漿。以麵論麵，這邊的麵比荃灣更厚更闊，喜不喜歡視乎各人喜好，像我這種嗜麵人士，就會吃得大快朵頤。麵條又厚又粗，配少許辣椒油更惹味，配上熱燙湯底亦更豐富。荃灣山西刀削麵近來人客多了，似乎麵條少了；而這間則可尋回那種碗中網網千斤，吃極都吃不完的麵條，當真過癮。水餃好像都有四隻，皮亦是厚厚的，好像是韭菜餡料，味道沒有特別。以晚餐$40左右，還算是不錯。店員服務態度亦友善有禮。

同另一伴大約6點半多D去到都full得7788 要搭台叫左蕃茄鍋仔東坡肉年糕, 蕃茄鍋仔滑雞刀削麵 (刀削麵要加$3),雞c粉皮蕃茄鍋仔東坡肉年糕有唔少椰菜,1舊薯仔,1細舊蕃茄另一伴話東坡肉有d鞋口年糕我覺得唔太好味,好似真係街市買返黎個d都有蕃茄湯底味蕃茄鍋仔滑雞刀削麵我呢個完全無蕃茄湯味,但有雞湯味 都唔錯有5-6舊雞 有埋骨既雞黎架唔算好大舊 不過都好過係d雞件 都係有唔少椰菜,1大舊薯仔,1細舊蕃茄d刀削麵唔錯啊, 係不規則型 都幾好仲包一杯飲品好大碗都食唔晒雞c粉皮唔夠凍粉皮唔夠凍得d青瓜c係凍 又唔夠花生醬Total $12x都抵呀

到東港城shopping，在附近隨便找一地方吃午飯，經過門口入內坐，研究一會叫了牛腱刀削麵、豬扒蕃茄湯年糕和豬軟骨蕃茄湯拉麵，3人都有杯熱豆漿。牛腱件數多，滷汁味重，湯清淡，刀削麵削出不規質型態，入口煙韌。豬扒大件切開3塊，味清，放在湯上，外層已不脆，年糕不煙韌又不腍，入口吃到粉味，應煮多1-2分鐘或切薄些。豬軟骨3大件，很腍和夠味，拉麵滑，同是蕃茄湯，但年糕的湯不及拉麵的味重（雖然拉麵的湯底亦不算蕃茄味重）。每份麵的份量足夠，四人分吃都可以，配菜比其他拉麵館的多，豆漿過甜。整體不是很好又不算差，蕃茄湯底的麵都是用鍋仔承載，所以熱騰騰，食物上枱快，價錢平，份量多。感覺這間不是上海菜館，是一間吃東北菜的麵館。

我都悟明/d野甘難食都有人去食!!!!!!!!!!!坑口D人個個好似末食過上海菜!都坐係到食裝修仲衰過深圳,似鄉下的鄉下佬開!!!!!都唔知食上海菜定刀削面,完全九唔搭八不知所謂:等汁凹!!!!!