蘇哥清湯腩

Open Now

Now Closed

由早五年開始，每個月差唔多會有二十日會食早式粉麵做早餐或下午茶，有時好趕時間都會食碗做午餐，方便價錢又快捷。原本諗住喺新城搵間餐廳食少少嘢，去咗新開咗間中式粉麵店。中式麵店嚟講都算多選擇，好耐無試過牛腩有唔同部位可以揀，而且仲有薯粉添，味道幾又唔錯。酥炸雞翼，職員話活動價$10/一份兩隻，我哋叫咗兩份，雞翼上嘅粉唔多，外面微脆，裏面好嫩，無炸到乾晒，好味。坑腩擔擔麵，肉質唔錯，有少少似火鍋靚牛但好淋嘅味同口感，個湯唔辣又濃又香，好味。清湯牛腩幼麵，唔錯，都夠淋。清湯崩沙腩拼鮮蝦雲吞蕃薯粉，未試食日式粉麵配薯粉，崩沙腩唔多滑，有少少鞋。清湯牛三寶河粉，牛腩太瘦。