NUTTEA (海光街) (Closed)

一直都聽講呢間堅果奶好出名，今日放lunch就跟同事一齊去買嚟試下。。。估唔到真係好多人買，仲有好多款式揀。真係心大心細，好多都想試下😂伯爵朱古力堅果奶蓋茶滿滿一杯，顏色都係朱古力色，真係有伯爵茶味？點知一試真係有驚喜！！拎到手嘅時候，店員要俾埋小匙羹，原來飲之前可以食左奶蓋先。啲堅果奶蓋好香濃，食到好濃嘅榛子果仁朱古力味，好滑又綿密。。。之後再啜啖伯爵茶，真係清而香，除左飲到朱古力味，仲會感覺到好清嘅伯爵茶。再試下搖均飲，又係另一個口感，好似飲緊朱古力奶？伯爵奶茶😂好好飲。飲完一杯真係飽哂！宇治堅果奶茶呢杯一聞落去，好香抹茶🍵飲一啖就覺得好清香，呢杯唔會好濃奶味，一樣有飲到粒粒堅果。。檸檬塔綠水果茶睇落好似好濁咁，飲入口好重檸檬味！真係好酸，有啲似食果款檸檬超酸糖一開始果種感覺🤣不過唔會酸到嗆喉啦。另外仲會飲到香草葉味嘅。可能我地叫左半糖先會酸啲，正常可能唔一樣。。仲有如果唔想等，可以whatapp 落單先，lunchtime真係好多人嗌，我地今次都等左15分鐘。記得仲可以揀甜度冰度，常溫都得咖！