雲壽司 (聯成商業中心) (Closed)

在銅鑼灣世貿斜對面既雲壽司人氣幾火熱！次次經過都多人幫襯！今次的起心肝早d黎食！以免受排隊之痛。估唔到呢度都有omakase, 分了幾多個檔次！亦可以選擇自己喜好，list內選10件壽司價錢亦唔貴！而我就被那個北海丼吸引，因為我最愛既都有齊，無理由唔簡啦！賣相乾淨整齊！放位幾有層次！飯上鋪滿拖羅，三文魚&籽，海膽，赤貝，牡丹蝦 !二話不說先食海膽，入口甘香，creamy既質地慢慢散開！相當高質！拖羅肥美無筋，魚既油潤感散出，不得了。三文魚籽粒粒識發光咁，非常有光澤，味道當然相當新鮮，再配上壽司飯食非常鮮香。赤貝爽爽彈彈！陣陣既海水咸香滲出！最鐘意呢 d after taste!! 牡丹蝦亦好新鮮，非常難忘，壽司飯既比例好好！食完都好夠飽，但我未夠盡興，再點了一客海膽and日本厚岸生蠔。再來既海膽仍然高質"份量都夠多，好食！而蠔亦幾鮮味，蠔肉飽滿挺身！而內置醬汁及香葱！味道帶點酸香！更令蠔肉更突出！整體非常好食，難怪長期多人。