Video
Read full review
2022-09-20
537 views
而家冇得去旅行，唯有係香港發掘下不同的離島景點同埋美食，止住個旅行癮先。今次就去左坪洲一日遊，由中環搭渡輪過去大約30分鐘有一班船，交通都好方便。由於島上曾經出現過百間廠房，好似火柴廠、傢俬廠、造船廠、紡織廠、牛皮廠等等，所以有好多值得去參觀同打卡位。雪糕菠蘿包 $33菠蘿包夾住兩個朱古力雪糕球，非常吸精打卡一流。佢中間冰凍外層就有少少暖，菠蘿包皮仲有少少脆添，食落又可以夾到喎，仲幾好幾清新。蝦膏炒飯 $62唔知係咪太肚餓的關係，見到隔離枱個炒飯好香，跟住叫左一個蝦膏炒飯。蝦膏味好香濃惹味，配料都好豐富有蝦仔、火腿、椰菜絲同蛋絲，食落非常有離島特色。 佢地個飯仲炒得好有鑊氣，而且夠乾身，份量仲好大，結果我忍唔住食完一啖又一啖，直至清碟。呢個絶對有大排檔水準。紅豆冰 $27細個果侯好鍾意飲紅豆冰，大個左知道好邪惡，所以好少飲。不過今日天氣真係好熱，要飲D甜野補充下，呢個紅豆冰正常水準，有勁多紅豆，好味道。整體黎講，由於我係平日過黎，好多鋪頭都關門休息，未能夠去哂所有美食地點，大家可以留意番佢地的開門時間。好在呢間出名食雪糕菠蘿包的茶餐廳仲有開，雪糕菠蘿包無特別驚喜，不過炒飯就好出色，黎到
今次就去左坪洲一日遊，由中環搭渡輪過去大約30分鐘有一班船，交通都好方便。由於島上曾經出現過百間廠房，好似火柴廠、傢俬廠、造船廠、紡織廠、牛皮廠等等，所以有好多值得去參觀同打卡位。
雪糕菠蘿包 $33
菠蘿包夾住兩個朱古力雪糕球，非常吸精打卡一流。佢中間冰凍外層就有少少暖，菠蘿包皮仲有少少脆添，食落又可以夾到喎，仲幾好幾清新。
蝦膏炒飯 $62
唔知係咪太肚餓的關係，見到隔離枱個炒飯好香，跟住叫左一個蝦膏炒飯。蝦膏味好香濃惹味，配料都好豐富有蝦仔、火腿、椰菜絲同蛋絲，食落非常有離島特色。
佢地個飯仲炒得好有鑊氣，而且夠乾身，份量仲好大，結果我忍唔住食完一啖又一啖，直至清碟。呢個絶對有大排檔水準。
紅豆冰 $27
細個果侯好鍾意飲紅豆冰，大個左知道好邪惡，所以好少飲。不過今日天氣真係好熱，要飲D甜野補充下，呢個紅豆冰正常水準，有勁多紅豆，好味道。
整體黎講，由於我係平日過黎，好多鋪頭都關門休息，未能夠去哂所有美食地點，大家可以留意番佢地的開門時間。好在呢間出名食雪糕菠蘿包的茶餐廳仲有開，雪糕菠蘿包無特別驚喜，不過炒飯就好出色，黎到坪洲不妨一試。
Post
