華昌粥麵燒腊飯店 (Renamed) View

大大話話呢間茶記都食左5年，一直都無失望過，因為本身唔會對佢唔會有期望。但2017最後一個working day，黎食個lunch，諗住食好少少叫個褔炒飯。結果係黎左個褔建湯飯。其實呢間野嘅褔建炒飯都食左十幾次，但今次真係過份到一個極點。首先一黎碟飯係完全俾汁覆蓋住，再望落去d料俾平時少一大半，芥蘭粒砌返埋都唔夠一條，二兩雞肉都無，第一啖食落就全部係粉。可能佢地換左㕑師，但佢地見到碟飯炒到咁都仲可以若無其似咁拎出黎真係極品。本身75蚊碟飯已經係暴利，但價錢我都算，預左，你黎碟飯多汁得濟我都當你個㕑失手，但連料都無?咁同行騙有咩分別，簡直係侮辱左茶晚餐呢種香港特色。