Hungry Lobster (Closed)

行完銅鑼灣、其實知道有間食龍蝦好耐，但未試過，入去侍應先問你有冇book位，場內有兩張得枱，我哋坐咗係廁所門口。叫咗一個黑松露忌廉磨菇意粉、另一個牛扒龍蝦組合。意粉味道合格，但份量太少，一個人吃一定不飽。價錢都要＄138。龍蝦牛扒組合，龍蝦去咗殼之後個尺寸比一隻蝦仲要細，而且比較鹹，我覺得唔值呢個價錢，牛扒要medium rare，係ok taste。重點係服務，食到一半個侍應跌咗碟芥辣落地，果盤芥辣向前飛、我頭髮及衣服都沾滿芥辣，坐我鄰座的男生更慘，白色恤衫及冷外衣一身都係，意外嘅嘢，有時真係冇辦法，但個侍應見到完全無動於衷，一句道歉及遞紙巾都冇做到，當冇事發生，果下真係火都黎，同個侍應講，你哋倒瀉野，都比張紙巾個客抹下，可以完全冇反應。個侍應隨即叫倒瀉野嗰個行埋黎，於是又同一番說話同佢講一次，佢話我都一身芥辣，我同佢講你倒瀉野見過客一身都係乜都唔理有冇搞錯。事件發展到呢度，都唔想再同佢講啲乜，話埋單比嗰啲九折, sorry, 無囉。論價錢、座位舒適度、食物質素、垃圾侍應服務、不值得去。未倒瀉芥辣之前，已經有另一個侍應打爛玻璃杯，另外倒瀉芥辣一地都係，亦都完全無人清理，任由啲客踩。