無麵不歡 - 中華私房粉麵 (Closed)

有日lunch經過佢門口介紹中華麵心郁郁想食，上網 search 吓咩料，佢個介紹食螺螄粉好正收$38，我見好似ok，今日咪同同事一齊試食囉，點知去到佢收我地$48一碗！好啦，都入咗去，咪照叫碗麵囉。碗麵一到枱俾佢嚇死。痴線，碗麵又少料又貴，螺螄肉、花生、全部配料超級少，好似特登唔想我食飽咁。味道老老實實係正常既，但份量可唔可以都正常d呀大佬。lunch 時間只有3枱客，唔會再有下次。