鳳城酒家 (Closed)

此店一向都薄有名堂，見沙田開分店，於是往一試，點知唔試還好，一試又知入了黑店，難食不特止，價錢仲貴得很，一行五人點選了大良野雞卷、大良炒鮮奶、菜胆雞、竹笙扒上素、家鄉煎釀鯪魚、窩貼明蝦、百葉扒時蔬及焗西米布甸，屬招牌菜的大良野雞卷係全場最差勁，炸得過乾，吃落乾涸兼硬崩崩，完全無口感，菜胆雞又淡而無味，窩貼明蝦炸得過火，完全無蝦的香味，大良炒鮮奶又係炒得老成凋謝般，成枱餸只係家鄉煎釀鯪魚和焗西米布甸吃得下口，成枱垃圾餸埋單成$1100，真係可怒也！恐怕再沒有再光顧的一天！