Burger Jobs (Closed)

鋪仔細細，看似光鮮同埋見到門口寫 "外賣＄18蚊手打牛肉堡" ，所以入去試下。所謂手打牛肉堡舊牛肉看似好大舊，但就明明係雪藏野扮上等貨，一咬開就有一大陣雪味。牛肉一D都唔香之餘又鞋又乾，絕對配唔上稱為手打牛肉。而且肉粒十分硬，咬落十分費力。仲辛苦過食快餐店牛扒。最離普係門口寫 "外賣＄18蚊" 但係連最基本的外賣袋都唔俾，就咁塞個包俾你。問佢拎個袋入住拎走，佢竟然要另收＄1，話係預左客人即食所以唔使俾袋。大佬即食就坐低食啦，使乜外賣？落單時又無講清楚，而且態度惡劣。食物同服務連老麥都比唔上。無下次。