和味日本料理

Open Now

Now Closed

垃圾餐廳，態度衰到無人有，趕客，其實果晚都係諗住食過快飯，跟住就返公司開會。不知所謂嘅員工（應該係腦細，一個係女嘅，一個男嘅，女嘅負責廚房，男嘅負責壽司枱）⋯⋯6點左右入座，入去時無講過限用餐時間，過咗10分鐘左右就不停問啲人到未，又話我哋未人齊，咁我入嚟果陣你都見到我未齊人架啦，吹吹吹，吹乜啫，依家係你想做我生意，打開度門比我入嚟坐架！我同事坐正路口位，跟住個疑似腦細嘅人係壽司枱入面大大聲咁同佢個樓面講，叫佢（即係我同事）坐番埋啲啦，咁我就梗係望一望我同事有幾阻條路啦⋯⋯頂，佢個樓面成個人都行得過，我睇唔到有幾阻。就算係阻都唔使咁無禮貌咁大聲叫出嚟同佢樓面講嘅。唔想受氣就唔好去呢間嘢喇，因為佢覺得你阻住佢做之後果啲大生意，因為我聽到佢講，呀x生今晚有個朋友嚟唔到，又蝕咗$700…可唔可以叫呀x生揾多2個朋友嚟呀⋯⋯食物質素唔評論喇，想受氣嘅就試吓啦！