金記冰室 (新港城中心4期) (Closed)

我第一次食，以後都唔會再幫襯，唔知係唔係因為樓面太少員工，出餐出得好慢，我叫咗一個牛肉炒通粉，違反商品說明條例，出到嚟碟嘢同張相爭好遠，嗰啲牛肉細粒到放大鏡先睇到，真係連粒洋蔥都大過佢，仲有唔夠乾身，成碟都係汁，同埋味道真係好一般，不過普普通通茶餐廳唔會有太大期望，食晒成碟通粉杯熱奶茶都仲未嚟，半個鐘嘅時候催咗一次單，個職員淨係開部落單機望一望我有冇落過單跟住就叫我等吓，大佬成碟粉都食晒仲等，個店員完全唔想同我催，一杯熱奶茶使唔使整咁耐？隔多10分鐘我再催一次，跟住個店員就行咗入去廚房拎住杯熱奶茶出嚟，我懷疑係佢自己沖，其實明明好快就出到一杯熱奶茶，點解要我等咁耐？好差嘅體驗。仲要杯熱奶茶係唔好飲，茶餐廳嚟講算難飲。冇下次。