Gochi (Closed)

食過呢間餐廳幾次 食物質素越黎越差都算今日一行14人1點去到，大約1點05分左右嗌曬野食，等咗好耐，差唔多每十分鐘催一次單，催咗半個幾鐘，只係不停話上緊上緊，問題係，只係飲品同沙律嘅前菜，都未上到，等到大約45分鐘，先上到三四盤前菜同飲品，前菜只係少量沙律菜同兩小塊麵包，都要等禁耐未上齊。去到2點，連主菜都只係上左一兩碟，野飲都仲係上左一半都無，再催佢都係話整緊，忍唔住叫佢一次過連甜品上曬，午飯時間最多個半鐘，淨係等佢上飲品前菜已經無左一大半嘅時間，咁大間餐廳，可以容納咁多人，竟然一個午市都做吾切，仲要個女staff係咁黑面，到2點15分，姐係越過一個鐘，都未上齊飲品同主菜，然後再催佢，個staff答，唔夠杯，所有俾唔到野飲我地，真係第一次聽咁大間餐廳，唔夠杯!!!!!!!!!!!!叫佢地甜品同所有未上嘅主菜打包走，因為lunch time就黎完，佢地連pack野飲都pack左好耐，一行人有一半無食主菜就要走，呢間野一個餐至少要150蚊，我地14個人，至少都食咗2000蚊，啲服務竟然係咁，我地只係其中一枱，呢間野至少容納到40個人，連基本14個人都搞成咁，點做生意呀，分量已經以前少，價