壹匯中菜廳 (東港城) (Closed)

從來冇喺openrice寫過食評，但係去完呢間垃圾酒樓真係忍唔住，希望大家唔好中伏！一入到酒樓，見到地下地氈成塊都係俾一嚿嚿嘅塵同埋跌咗落地下已經乾咗嘅食物。行到入枱，見到上手用完嘅食物同餐具仲未清理，本人嚟講覺得呢個唔太重要，但係俾我見到店員拎枱布嚟嘅時候跌咗枱布落地下，然後舖上我張枱上面😰 餐具亦都有食物殘渣痴住咗，當我地叫店員換新嘅時候，店員仲要黑面！食物方面普普通通，不過餐廳冷氣似係冇開嘅，店員之間講嘢亦都好大聲。然後每請一個店員幫忙都要受一下佢地嘅黑面🤔 (自問都係禮貌派，唔該前唔該後)其實對我嚟講，地方清潔同店員態度重要性遠遠超過食物質素。而因為呢個原因，我以後都唔會再嚟呢間嘢🌚