Video
Read full review
2021-07-01
1660 views
我哋晚上預約咗7:00開始打邊爐，首先唔講食物同埋服務態度，就係一入到去過場，已經好唔開胃，啲枱非常細，間枱好多，根本出去攞嘢要側身過。燈光昏暗，地下痴痴立立。去到個知客侍應嘅態度完全係無視我，冇理我，我企喺度成8分鐘都唔知做乜，叫極都冇反應。終於坐低咗之後揀完火鍋湯底，同埋牛肉級別，好快就已經俾咗一碟肥牛同埋個鍋，個鍋7:10上到我哋枱，我最後等到7:40個湯底都仲未滾！中途我有問過佢哋有冇蓋，佢哋竟然話冇蓋提供，就咁俾個大碟我話當蓋用！到最後忍唔住我同侍應講點解個煲仲未滾，係唔係支Gas已經冇晒，佢望一望話：「有火喎！你再等啦！」態度非常差，我就同佢講仲要等到幾時？你限時兩個鐘我7:40都仲未開始有得食！之後先死死地氣幫我換Gas。食物質素方面，完全沒有驚喜，都係例牌嗰啲嘢，所有丸類菜類菇類，都係喺出面自己夾，但一啲都唔新鮮。而且咁多樣食材只提供兩個夾比客人去夾，仲要見過有人唔小心跌咗落地下冇人理，待應就咁擺番上去。所謂嘅任錨海鮮，其實只有聖子，蝦，蜆。但係一啲都唔新鮮。同埋任食刺身種類少，基本上只有三文魚同埋赤貝，切件非常細，唔新鮮。同場加映叫做有啲特別嘅有：醬油鮑魚同埋醬油蝦，
去到個知客侍應嘅態度完全係無視我，冇理我，我企喺度成8分鐘都唔知做乜，叫極都冇反應。
終於坐低咗之後揀完火鍋湯底，同埋牛肉級別，好快就已經俾咗一碟肥牛同埋個鍋，個鍋7:10上到我哋枱，我最後等到7:40個湯底都仲未滾！中途我有問過佢哋有冇蓋，佢哋竟然話冇蓋提供，就咁俾個大碟我話當蓋用！
到最後忍唔住我同侍應講點解個煲仲未滾，係唔係支Gas已經冇晒，佢望一望話：「有火喎！你再等啦！」
態度非常差，我就同佢講仲要等到幾時？你限時兩個鐘我7:40都仲未開始有得食！之後先死死地氣幫我換Gas。
食物質素方面，完全沒有驚喜，都係例牌嗰啲嘢，所有丸類菜類菇類，都係喺出面自己夾，但一啲都唔新鮮。而且咁多樣食材只提供兩個夾比客人去夾，仲要見過有人唔小心跌咗落地下冇人理，待應就咁擺番上去。
所謂嘅任錨海鮮，其實只有聖子，蝦，蜆。但係一啲都唔新鮮。同埋任食刺身種類少，基本上只有三文魚同埋赤貝，切件非常細，唔新鮮。同場加映叫做有啲特別嘅有：醬油鮑魚同埋醬油蝦，不過有d「叔」未。
埋單每位$316 ，簡直係不知所謂。千祈唔好試
Post