Video
Read full review
2022-05-29
133 views
今日嚟到荃灣西來個文青遊，然後錯有錯着入咗一間好有質素嘅Cafe！！而家黎推薦一下先！👍🏻鳳尾蝦墨汁意粉餐廳用上意大利嘅墨汁，配以拆左外殼嘅鳳尾蝦，食落香濃，醬汁烏黑黑得黎又夠濃稠，所以一路食嘅時候都要注意抹咀。最值得稱讚嘅係，墨汁炒得乾身不油膩,鳳尾蝦爽口彈牙！👍🏻車打芝士蘑菇醬牛肉竹炭漢堡誠意之作，點餐嘅時候可以要求牛肉嘅生熟程度，配上芝味香濃嘅車打芝士，蘑菇醬更係精粹所在，更帶有菇菌嘅顆粒感，至於竹炭漢堡包皮，味道淡淡的不過勝在烘得香脆；配菜的薯角新鮮即炸，沙律菜爽脆新鮮～👍🏻朱古力心太軟呢份甜品真係誠意十足，用上無麩質去製作，都依然保持到鬆鬆軟軟嘅蛋糕口感，裏面嘅朱古力醬傾瀉而出，味道濃郁，加入埋冰凍嘅雲呢拿雪糕，口感冰火相融。唯雪糕筒已經潮化，失去左應有嘅脆卜卜口感。👌🏻 檸檬撻呢個檸檬撻以焗嘅方式，撻底較軟，邊位微脆，檸檬味道清新微酸，食落同預期中有少少出入，幸而配上迷你馬卡龍，一解想有小小甜絲絲嘅幸福感。👍🏻白雲棉花糖雲呢拿咖啡吸引咗小編嚟打卡嘅原因，原理透過飲品嘅蒸氣，把棉花糖溶化，雲呢拿味好香，改配咗燕麥奶，飲落麥味更香濃，咖啡幽幽的餘韻令我有點意猶未盡。小編刻意叫咗
👍🏻鳳尾蝦墨汁意粉
餐廳用上意大利嘅墨汁，配以拆左外殼嘅鳳尾蝦，食落香濃，醬汁烏黑黑得黎又夠濃稠，所以一路食嘅時候都要注意抹咀。最值得稱讚嘅係，墨汁炒得乾身不油膩,鳳尾蝦爽口彈牙！
👍🏻車打芝士蘑菇醬牛肉竹炭漢堡
誠意之作，點餐嘅時候可以要求牛肉嘅生熟程度，配上芝味香濃嘅車打芝士，蘑菇醬更係精粹所在，更帶有菇菌嘅顆粒感，至於竹炭漢堡包皮，味道淡淡的不過勝在烘得香脆；配菜的薯角新鮮即炸，沙律菜爽脆新鮮～
👍🏻朱古力心太軟
呢份甜品真係誠意十足，用上無麩質去製作，都依然保持到鬆鬆軟軟嘅蛋糕口感，裏面嘅朱古力醬傾瀉而出，味道濃郁，加入埋冰凍嘅雲呢拿雪糕，口感冰火相融。唯雪糕筒已經潮化，失去左應有嘅脆卜卜口感。
👌🏻 檸檬撻
呢個檸檬撻以焗嘅方式，撻底較軟，邊位微脆，檸檬味道清新微酸，食落同預期中有少少出入，幸而配上迷你馬卡龍，一解想有小小甜絲絲嘅幸福感。
👍🏻白雲棉花糖雲呢拿咖啡
吸引咗小編嚟打卡嘅原因，原理透過飲品嘅蒸氣，把棉花糖溶化，雲呢拿味好香，改配咗燕麥奶，飲落麥味更香濃，咖啡幽幽的餘韻令我有點意猶未盡。小編刻意叫咗小甜，避免與棉花糖嘅甜度相沖！
👍🏻晨曦蜜桃乳酸特飲
清甜得來又帶有乳酸嘅清爽，整個配搭好適合炎炎夏天飲用，飲品亦都唔會死甜，飲完真係涼透心。
餐牌如下
Post
