Bread & Beast (Closed)

今日瞓到自然醒，過一個慢活的週末！相約好友喺灣仔食brunch，汕頭街充滿洋氣，各式西方小店林立。街尾有間舖頭用當舖的蝠鼠吊金錢圖案做招牌 寫上 “Kong"，非常有趣，大玩本土文化，潮味十足！店舖全名係“Kong by Bread n Beast"， 顧名思義主打麵包 (三文治、漢堡包) 和肉 ( 雞、牛、豬)。 門口有現時流行嘅露台位，可飽覽窗外景色! 小店裝修有格調， 坐得舒服令人放鬆心情，係chill下嘅好地方！Ngau Lam Wich法式麵包，外脆內軟。慢煮牛腩，口感像日式叉燒，入口溶化。 特別之處配上洋蔥、酸蘿蔔和柱侯醬，中西融合，別具風格！Angry Birdy Burger漢堡包，鬆化軟熟。炸雞脆口juicy，沒有油膩感！紫椰菜沙律混入橙皮柚子汁，提升甜酸清爽味道，十分驚喜！配菜炸蓮藕片加入腐乳蛋黃醬和蔥花，本地食材，西式烹調，令人一試難忘！Lennon Fries用上千島醬、木魚、溫泉蛋混上熱辣辣炸薯條！醬汁香濃，十分惹味，完全沒有滯肚和油膩感！令人沒有負擔，愈食愈想食！