泰玖

Open Now

Now Closed

朋友向荃灣返工，佢試過呢到嘅午餐仲力讚好好食，所以今次帶我嚟食晚市。呢間餐廳樓高有兩層，地下個層就有bar枱，樓上座位都好寬敞，而且樓底高，就算多人傾計都唔會太嘈，最欣賞佢嘅裝修係工業風格，打卡完全係非常靚。招牌肉碎生菜包 - 食泰國菜一定必叫，大大份幾個人share都唔怕，而且肉碎夠乾身夠辣夠惹味，生菜大大塊唔怕食到成枱都係，必點！！！！泰式炸蝦餅 - 好細心地分左半塊1件，而且炸得好香口。泰式青咖哩雞 - 又係大大碟，咖哩唔算太辣但好香，雞件非常大件而且嫰滑，裡面仲有少少雜菜，性價比非常高。金磚蒜蓉包 - 香氣十足，烘得非常脆口，配青咖哩食完全係絕配。芒果糯米飯 - 賣相已經非常吸引，分左5件，完全好似壽司咁，方便同朋友分享，而且有我最愛嘅紫糯米，芒果亦都唔會酸，大推！！青檸梳打 ＆ 珍多冰 整體而言，因為食物真係太多選擇，而且份量十足，真係要嚟多幾次先可以試埋串燒同海鮮類。