Cascara (Closed)

油尖旺區一帶一向都好多Cafe，今次嚟到廟街到訪水泥風裝修嘅特色型格Cafe～叫咗個全日早餐同埋熱朱古力☕️ 小店喺街角corner位，店舖面積唔算大但係裝修有型有格，設有高枱櫈同埋正常座位，半落地玻璃設計令到有啲陽光☀️可以透入嚟，感覺舒適☺️ 感覺上一個人都可以去，過一個𝙘𝙝𝙞𝙡𝙡 𝙘𝙝𝙞𝙡𝙡 哋嘅下午All day breakfast 最中意食全日早餐😇 總係覺得食ADB有一種好chillchill嘅感覺。呢份早餐有煎腸仔、煙肉、炒滑蛋、大啡菇、脆身嘅多士、沙律菜、煎蕃茄。值得一讚嘅係整體質素唔錯，亦都相當豐富！🍽 欣賞佢嘅大啡菇夠多汁同埋炒蛋好滑，其他配料都唔係hea做，有態😋熱朱古力小店飲料嘅選擇都幾多，有唔同嘅手調咖啡☕️ 事關小編唔係係太飲咖啡所以就叫咗杯朱古力，拉花好靚好吸睛😇 甜甜哋配早餐一流~整體來講食物質素認真唔錯，定價都合理，如果想搵個地方坐低傾吓計呢間小店一個好選擇 🤍 聽講呢度嘅甜品都好高質，下次一定要試😍