Video
Read full review
2023-02-17
829 views
位於觀塘工廠其中一間西餐廳，環境裝修型格，感覺舒服自在，座位唔算多，所以都唔會太嘈！開瓶費：$ 20 !? 切餅費：唔清楚我地係慶祝生日，外加帶左兩枝酒，而早前又問過店家開瓶費係免，最後帳單收左一項「開瓶費：$ 20」，所以我當係切餅費啦餐湯：黑松露蘑菇湯黑松露非松露醬而係粉，呢點就有啲失分，湯色水較淡，雖然係有蘑菇味，有少少懷疑係開粉。。。餐沙律：橙柳蕃茄沙律簡簡單單嘅沙律菜加上橙肉同蕃茄已經好好味小食：西班牙欖油蒜片鳳尾蝦 $ 68都有6-7隻蝦，蒜片爆得又香又脆，超好味訂座再送小食一份，芝士南瓜醬焗藍青口，芝士南瓜醬係好夾，鹹甜平衡，不過藍青口相信係熟青口，所以過熟變得比較老煎比目魚扒伴薯菜 $ 158一份兩件，煎得金黃香脆，肉質鬆軟富油份，唯一係冇附上汁醬或檸檬角，食完會好膩滯烤焗德國腸拼盤伴酸椰菜及薯角 $ 158好有睇得，大大碟啱晒送酒，有至少三款腸，再加埋酸椰菜同埋芥末醬，超滋味紅酒燴羊腩煲 $ 158價錢比港式羊腩煲平，好有西餐特色，因為西餐比人感覺係乜都煎完就上碟配個汁，但係呢類炆燴燉嘅食物，香港唔多，非常讚汁底味道似羅宋湯，材料都係甘筍、西芹、洋蔥等等。羊腩五人分
開瓶費：$ 20 !?
切餅費：唔清楚
我地係慶祝生日，外加帶左兩枝酒，而早前又問過店家開瓶費係免，最後帳單收左一項「開瓶費：$ 20」，所以我當係切餅費啦
餐湯：黑松露蘑菇湯
黑松露非松露醬而係粉，呢點就有啲失分，湯色水較淡，雖然係有蘑菇味，有少少懷疑係開粉。。。
餐沙律：橙柳蕃茄沙律
簡簡單單嘅沙律菜加上橙肉同蕃茄已經好好味
小食：西班牙欖油蒜片鳳尾蝦 $ 68
都有6-7隻蝦，蒜片爆得又香又脆，超好味
訂座再送小食一份，芝士南瓜醬焗藍青口，芝士南瓜醬係好夾，鹹甜平衡，不過藍青口相信係熟青口，所以過熟變得比較老
煎比目魚扒伴薯菜 $ 158
一份兩件，煎得金黃香脆，肉質鬆軟富油份，唯一係冇附上汁醬或檸檬角，食完會好膩滯
烤焗德國腸拼盤伴酸椰菜及薯角 $ 158
好有睇得，大大碟啱晒送酒，有至少三款腸，再加埋酸椰菜同埋芥末醬，超滋味
紅酒燴羊腩煲 $ 158
價錢比港式羊腩煲平，好有西餐特色，因為西餐比人感覺係乜都煎完就上碟配個汁，但係呢類炆燴燉嘅食物，香港唔多，非常讚
汁底味道似羅宋湯，材料都係甘筍、西芹、洋蔥等等。羊腩五人分每人都有2-3件食，真係超值
紐西蘭肉眼扒伴薯菜 $ 168
大大塊肉眼，有技術嘅煎法，上枱冇血水，有rest夠時間成數就可以接受，始終面積大，厚度就會薄，比較難控制成數。但係肉靚，非常軟嫩，有肉味，調味足，唔洗再加鹽
建議餐廳改改煮餐速度，上枱實在太快，沙律未食完已有主菜上枱，我地怕食物變冷而加快食用，好快食飽。
除此之外，服務非常好同有禮貌，環境清潔
Post
