Video
Read full review
2021-09-08
17 views
經過太子花園街見到有好多酒吧餐廳，望到呢間入面嘅裝修幾有特色，氣氛又唔錯，所以入去試吓！.🌽 Nuts $40一坐低餐廳職員就會放低一碟Nachos，配忌廉醬食。.🍢 蒜片香煎美國牛仔腸拼家鄉雜椒雞肉串 $158呢個小食有兩串12吋長嘅雞肉串同埋兩條美式牛仔腸，份量十足。雞肉串有成手臂咁長，雞肉唔會燒得過乾，食到黑椒香味，搭配雜椒中和肉類嘅油膩感。牛仔腸用蒜片煎香，外皮脆口肉質結實。.🥩 炭燒美國頂級牛柳 (12oz) $168餐廳名有個steak字梗係要試steak啦！點咗12oz牛柳，一上枱就咁望好似唔係好大件，但其實非常厚身，夠晒份量。牛柳表面燒出褐色網紋，食落有炭燒餘香，叫咗7成熟燒得啱啱好，表面微微焦香，切開仲見到粉嫩肉質，口感軟嫩牛味濃郁。醬汁可以揀黑椒、蒜蓉牛油或燒汁，不過我覺得唔使蘸醬都夠味，可以食到牛肉嘅原汁原味。.扒類加錢可配6款星級配菜🍟 黃金芝士炸薯條 $28熱辣辣薯條上面鋪滿芝士，芝士做到熔岩效果，啖啖都食到香濃芝士，配埋少少煙肉碎增添鹹香味。.🥗 煙三文魚沙律 $38煙三文魚配上沙律，清新健康。.🍝 自選意粉 $88呢度最特別嘅係可以自選pasta + 醬汁
.
🌽 Nuts $40
一坐低餐廳職員就會放低一碟Nachos，配忌廉醬食。
.
🍢 蒜片香煎美國牛仔腸拼家鄉雜椒雞肉串 $158
呢個小食有兩串12吋長嘅雞肉串同埋兩條美式牛仔腸，份量十足。雞肉串有成手臂咁長，雞肉唔會燒得過乾，食到黑椒香味，搭配雜椒中和肉類嘅油膩感。牛仔腸用蒜片煎香，外皮脆口肉質結實。
.
🥩 炭燒美國頂級牛柳 (12oz) $168
餐廳名有個steak字梗係要試steak啦！點咗12oz牛柳，一上枱就咁望好似唔係好大件，但其實非常厚身，夠晒份量。牛柳表面燒出褐色網紋，食落有炭燒餘香，叫咗7成熟燒得啱啱好，表面微微焦香，切開仲見到粉嫩肉質，口感軟嫩牛味濃郁。醬汁可以揀黑椒、蒜蓉牛油或燒汁，不過我覺得唔使蘸醬都夠味，可以食到牛肉嘅原汁原味。
.
扒類加錢可配6款星級配菜
🍟 黃金芝士炸薯條 $28
熱辣辣薯條上面鋪滿芝士，芝士做到熔岩效果，啖啖都食到香濃芝士，配埋少少煙肉碎增添鹹香味。
.
🥗 煙三文魚沙律 $38
煙三文魚配上沙律，清新健康。
.
🍝 自選意粉 $88
呢度最特別嘅係可以自選pasta + 醬汁+配料 (好似車仔麵咁ʕ•ᴥ•ʔ)，一定啱晒自己口味！有4款pasta及6款醬汁，配料就有兩種價錢10款選擇，最後仲可以揀埋芝味精選。我哋就揀咗濶條麵+羅勒醬+蜆肉+蟹肉，濶條麵軟硬適中，蜆肉蟹肉質素及份量都ok，羅勒醬輕盈味道帶甜，不過醬汁再多啲就更好喇！
.
Main menu +$22有餐湯及冷熱飲品各一。
🥣 南瓜濃湯
🍹 凍檸茶
.
總括而言：餐廳食物主要有沙律小食、扒類、pasta & risotto、pizza & burger，試咗幾款食物質素都唔錯。飲品選擇都幾多，有cocktail、mocktail 及啤酒等，不過我哋就無試喇！餐廳裝修型格，有美國風情嘅大型壁畫，燈光情調不錯，仲有大電視播住球賽，啱晒一班朋友飲酒睇波！
Post
