WOFT (Closed)

小店位於旺角，主打手工啤🍻 同多款特色西式料理，芝士火鍋🫕、生蠔🦪、BBQ😋、海鮮🦞、意粉飯樣樣有齊😝 整體環境舒適，燈光較暗，令人感覺更加放鬆😌 放工同朋友仔過嚟chill吓都唔錯～ 前菜先嚟個一口迷你四色漢堡包🍔 造型十分可愛，超級打卡able呀💗 牛肉肉味濃郁，咬落夠juicy，份量啱啱好，唔錯唔錯👍🏻自家製忌廉菠菜煙三文魚水牛芝士墨汁pizza有驚喜！上枱時熱辣辣，即叫即焗，外層脆卜卜，上面鋪咗層滿滿嘅芝士，搭配菠菜同大大條嘅煙三文魚，味道鹹香，值得一試🤩芝士軟殼蟹窩夫漢堡份量驚人～ 軟殼蟹好大隻，炸粉唔厚，十分香脆，配上甜甜地嘅窩夫好得意🤪 旁邊更有脆脆嘅薯圈，新鮮番茄同菜，感覺無咁邪惡🤤黑松露肉醬千層麵都係第一次見😆 估唔到呢個配搭都幾match！每款配料嘅味道都好濃郁但又唔會搶過其他，鹹香鹹香咁，超級推介🙈