WOFT (Closed)

前晚去咗 ❥⧽WOFT ❥⧽食飯, 餐廳位置好方便, 走型格路線, 酒吧感覺重, 幾有氣氛, 有戶外位同室內位。𓊈辣汁蕃茄醬橄欖油蒜片蝦炒扁意粉 $𝟷𝟸𝟺𓊉蒜片同蝦真係好夾, d 蝦大大隻又爽口, 估唔到有8 隻咁多, 好抵食。辣汁加蕃茄醬嘅味道有少少中式, 辣得嚟有少少酸酸甜甜, 都幾開胃得意。𓊈香濃芝士旋風薯圈 $𝟽𝟸𓊉我好鐘意食旋風薯圈, 見到已經心心眼, 薯圈炸到脆卜卜, 上面d 芝士半溶狀態而且好濃郁, 真係好好味!𓊈惹味一口蜜糖腸 $𝟻𝟹𓊉有2 款豬肉腸, 切成一粒粒, 縮起咗好似一頂頂帽咁, 蜜糖味重, 粒粒都甜甜地, 會忍唔住係咁食。𓊈黑松露肉醬千層面 $𝟷𝟹𝟾𓊉好少見黑松露配肉醬, 估唔到味道都夾, 淡淡黑松露香, 唔會太搶味, 肉醬份量都多, 可以啖啖肉。