Video
Read full review
2023-02-03
35 views
今次就去左間感覺非常神秘、裝修非常型格嘅韓式燒肉店🤩 神秘到我喺門口都唔知自己原來已經到咗🤣🥗House Lotus Root Salad $100沙律都係酸酸地好醒胃，不過如果青瓜再入味少少會更加好味！然後啲喺沙律面頭嘅紫菜係燒過嘅，所以就脆卜卜好惹味😆 仲有啲醃過嘅蓮藕片，質地都係好爽脆～🍳Beef Tartare $280啲牛肉他他係用門封牛柳切條整成嘅～waitress 會係你面前刨巴馬臣芝士喺個他他上邊，然後再打隻生蛋落去咁樣～成個他他最主要嘅味道都係white truffle 味～有少少蓋過咗芝士味同埋本身他他嘅調味～ 不過鍾意食生牛肉嘅我覺得白松露味嘅牛肉他他味道都唔錯👍🏻⭐️🐮At Grill, 4 Premium Butcher’s Cut $5801. 45 日嘅 dry aged ribeye 真係超級超級好食，啲雪花紋勁靚，油脂分布超級平均，店員幫我哋燒到medium～ 由於第一次食熟成牛肉眼，本身以為應該會好乾同埋出邊會有啲鞋鞋地，但係完全冇！😍啲肉質超級嫩滑，而且勁香油香味同埋好重牛肉味，又夠juicy~呢個真係必食！🥰2. 另外兩款USDA Prime Cu
🥗House Lotus Root Salad $100
House Lotus Root Salad
2 views
0 likes
0 comments
沙律都係酸酸地好醒胃，不過如果青瓜再入味少少會更加好味！然後啲喺沙律面頭嘅紫菜係燒過嘅，所以就脆卜卜好惹味😆 仲有啲醃過嘅蓮藕片，質地都係好爽脆～
🍳Beef Tartare $280
Beef tartare
1 views
0 likes
0 comments
啲牛肉他他係用門封牛柳切條整成嘅～waitress 會係你面前刨巴馬臣芝士喺個他他上邊，然後再打隻生蛋落去咁樣～成個他他最主要嘅味道都係white truffle 味～有少少蓋過咗芝士味同埋本身他他嘅調味～ 不過鍾意食生牛肉嘅我覺得白松露味嘅牛肉他他味道都唔錯👍🏻
⭐️🐮At Grill, 4 Premium Butcher’s Cut $580
At Grill, 4 Premium Butcher’s Cut
$580
7 views
0 likes
0 comments
1. 45 日嘅 dry aged ribeye 真係超級超級好食，啲雪花紋勁靚，油脂分布超級平均，店員幫我哋燒到medium～ 由於第一次食熟成牛肉眼，本身以為應該會好乾同埋出邊會有啲鞋鞋地，但係完全冇！😍啲肉質超級嫩滑，而且勁香油香味同埋好重牛肉味，又夠juicy~呢個真係必食！🥰
2. 另外兩款USDA Prime Cuts 同樣都好重牛肉味同埋都多肉汁，不過口感上我會覺得熟成牛嫩身啲～
3. 另外嗰塊牛小排係唯一一塊有醃製過嘅牛肉～一拎起呢排牛小扒，真係超級大塊，而且調味應該係用咗一啲韓式醬油蜂蜜去醃製，所以食落去嘅時候其實係甜甜地，就同之前食嗰啲牛肉完全唔同口味同埋相比之前嗰啲較為korean style啲～又夠軟淋又夠多汁～
🥘Beef Rice $480
Beef Rice
2 views
0 likes
0 comments
呢個好有震撼嘅視覺效果😆因為店員係會端成條牛骨髓上嚟嘅～然後喺你面前刮啲牛骨水落個飯入邊，跟手撈埋佢～ 所以喺個飯嗰度會食到好香牛嘅油脂味～然後成個飯嘅味道就超似香港嘅煲仔飯，用咗老抽或者甜豉油去調味咁，啲飯焦脆卜卜🤤 而且啲西冷牛肉條都好嫩口好有味，仲有啲炸蒜片同埋蔥花，有多重口味😆
🍨Ginseng Ice-cream & Egg Bread $80 @1
Ginseng Icecream
3 views
0 likes
0 comments
第一次食人蔘雪糕！因為本身我幾鍾意食啲苦嘅嘢，所以我都鍾意食人蔘花旗參呢類～佢個雪糕真係有人蔘味，所以係會食到有少少甘甘地嘅味道，然後入邊仲會有啲人蔘粒粒，都幾特別幾清新🤩
然後另一個egg bread 其實就係同韓國街邊嘅雞蛋糕差唔多，都係熱辣辣嘅，然後有蛋有煙肉喺入邊，所以味道就會又甜又鹹😚
🥃Earl grey ; Coconut cocktail
Earl Grey 嘅Cocktail 其實比我想像中fresh入邊係有氣嘅同埋用咗vodka做base,所以比我想像中甜😆
而coconut 就都有椰子味，但飲落酒精濃度好似比較高，所以有少少嗆/掯～🫣
雖然睇落唔係太多，但食落係超飽超滿足！而且啲牛肉係真係高質～🥰幾啱同朋友一路食好西一路談心🤣
Post
