Video
Read full review
2024-12-17
119 views
黃竹坑開咗新商場，終於有機會去行下。我地去咗食呢間韓燒店，裝潢好有特式!真係好似係山洞入面食飯~空間感亦好夠大!一班人食都無問題~最驚喜係佢pet friendly, 只要有車仔同袋就入得啦~男朋友即刻話下次可以帶埋狗狗一齊黎!二人前菜已經有5款, 都係經典~有泡菜、泡菜蘿蔔、波菜芽菜、薯仔同埋芝麻蓮~每款都好好食!加$40就可以任添前菜宮牛盛有五款肉:分別係和牛肋眼上蓋、和牛牛肋肉、極上牛小排、和牛外裙肉同埋稀少和牛三筋肉~每款都有幾塊，幾抵食!牛肉既質素都好好~唔同既肉質都有，有牛味重又有咬口，亦都有好滑嫩~推薦!水果醬油豬梅肉，韓燒食豬腩肉係必須，但我地今次試咗呢款豬肉都好推薦!首先，佢唔係好肥，豬味濃!燒都外表帶少少焦香真係好好食!本身既水囝醬食我地食起上黎無咁膩濟州活鰻魚，男朋友好鍾意食鰻魚，見到就即刻話要試~成條魚肉上!店員會幫手燒，手勢好好~燒到魚皮脆同好香!魚肉好爽口，唔會好油，而且無咩泥味，我唔太好鰻魚都覺得好OK~一食就知好新鮮!點佢既鰻魚汁或者鹽已經好好食~食果陣小心魚骨~韓牛泡菜炒飯勁好食! 男朋友話會為咗個飯再食~~個飯好香好有鑊氣!泡菜少少既酸味中和韓牛既油
二人前菜已經有5款, 都係經典~有泡菜、泡菜蘿蔔、波菜芽菜、薯仔同埋芝麻蓮~每款都好好食!加$40就可以任添前菜
宮牛盛有五款肉:分別係和牛肋眼上蓋、和牛牛肋肉、極上牛小排、和牛外裙肉同埋稀少和牛三筋肉~每款都有幾塊，幾抵食!牛肉既質素都好好~唔同既肉質都有，有牛味重又有咬口，亦都有好滑嫩~推薦!
水果醬油豬梅肉，韓燒食豬腩肉係必須，但我地今次試咗呢款豬肉都好推薦!首先，佢唔係好肥，豬味濃!燒都外表帶少少焦香真係好好食!本身既水囝醬食我地食起上黎無咁膩
濟州活鰻魚，男朋友好鍾意食鰻魚，見到就即刻話要試~成條魚肉上!店員會幫手燒，手勢好好~燒到魚皮脆同好香!魚肉好爽口，唔會好油，而且無咩泥味，我唔太好鰻魚都覺得好OK~一食就知好新鮮!點佢既鰻魚汁或者鹽已經好好食~食果陣小心魚骨~
韓牛泡菜炒飯勁好食! 男朋友話會為咗個飯再食~~個飯好香好有鑊氣!泡菜少少既酸味中和韓牛既油膩~真係一啖接一啖咁食
奶油肉醬年糕玩fushion, 又意外地夾!真係好似食緊pasta咁~唔會好creamy, 反砷蕃茄醬既味幾出~都幾好食
兩杯都嗌梳打，去下韓燒既油膩~ 西柚乳酸梳打酸酸甜甜，幾開胃!青瓜青檸梳打就好清新，唔甜~
Post
