慢煮工業 (Closed)

今日同朋友去咗太子行街，之前已聽講呢間西餐廳好好食，經過佢樓下，被佢型格霓虹燈同裝修吸引，決定試下！我哋見大部份客人都係點烤肉盛宴二人套餐，唔想用腦諗嘅我哋決定照跟！而且三百幾蚊有得食安格斯牛扒同埋豬仔骨，真係試下都抵！落order冇耐，就已經有沙律上。煙三文魚本來咸香味重，有時甚至係太咸，但加左鮮果醋嘅沙律甜甜酸酸咁中和，食落味道好平衡。而且餐廳想唔孤寒， 塊塊煙三文魚都好大塊！正！當然一定要提主角安格斯牛扒。牛扒大塊過我兩隻手掌，真係太正。牛扒亦煮得夠入味，而且食得出好有牛味， Juice多汁，最特別嘅係加上淡海鹽，無預期中太過咸之餘，仲要更好食！讚！另一位主角豬仔骨，欣賞佢嘅醬汁，甜甜酸酸，加埋芥末醬少少辣味，識落好入味，味道多層次。而佢嘅芝士通心粉原本睇落份量唔係好大，但因為落足幾種芝士，絕對夠兩個人食，啱晒芝士愛好者的我！嚟到西餐廳，識食一定要點Cocktail配搭食扒，仲要一定要嗌自己唔識嘅名！如是者，我嗌咗Green Apple Gin Tonic 。非常好飲！青蘋果味好refresh 正好解左主菜的濃味。加上Gin Tonic 唔會太嗆喉，啱哂我！呢度唔單止嘢食好食，而