Vie Won Won (Closed)

龍蝦湯入口龍蝦味濃，飲得出真材實料用大量蝦殼龍蝦熬製而成，質感濃稠柔滑。麻辣凍的蜆係用大蜆，份量算多，最重要係冇沙，蜆都鮮甜，再加上魷肉，吸哂麻辣汁，係好香辣。炸西蘭花苗蓮藕片炸粉唔會太厚食到成口油，而個配搭幾特別。蟹膏蟹肉燉飯同想像中唔同，出面食多數白汁risotto，而個係微辣fusion，飯粒軟硬適中，渗透著香濃的醬汁，好多蟹肉。抹茶羊架最特別有燒香丸子，質感好Q，配抹茶粉，吸管內係抹茶汁，熟度啱啱好，羊肉幾鮮嫩，唔會太羶，而且羊架本身都唔會太多過脂肪，所以食落都啖啖肉。迷幻蘑菇打卡一流的甜品，打開玻璃罩煙，上層紅色係雜莓雪糕，下層芒果味雪糕，再加埋焦糖餅碎同士多啤梨乾。鐵觀音芝士蛋糕呢個芝士蛋糕茶味非常突出，有回甘，茶味夠濃郁中和咗，完全無膩既感覺，芝士濕濶軟棉。叫左兩杯cocktail，Cucumber Papa用青瓜片裝飾，飲落好fresh。Pink lady 粉紅好少女，酒精唔濃好啱女仔飲。