LAB10 (Under Renovation)

等了幾個月，終於等到公司的淡季，多了很多私人的時間，連睇場戲都睇得輕鬆自在一些。今日又可以睡到日上三竿，然後同老公去朗豪坊睇戲同行街。睇完戲後，就去了上一次食過的Lab10食燒肉。Lab10的門口放了一大個Juicy Bar，店舖設計好時尚，而最重要的是抽風系統做得好好，食完一頓飯後，身上也沒有燒烤過後的味道。這裏的飲品真的不錯，所以食物都未叫就先叫了兩杯飲品。香桃奇異果沙冰既香甜美味又清涼透心，仲飲到有少許奇異果籽，應該以鮮果打成沙冰的，味道一流。熱情果梳打的熱情果味道濃厚香甜，配上有氣梳打是絕佳的配搭。見到餐牌有牛牛板拼盤，一個牛牛板有齊牛的七大部位，所以不用諗，就叫了一個牛牛板拼盤。牛牛板果然是用牛板作為器皿，牛肉放得好整齊。有咬落好脆嫩的厚切牛舌、有入口嫩滑的安格斯西冷、有肉味濃厚的黑牛牛板腱、有入口即溶的特級牛小排、有肉味香濃經微微醃過的韓式牛肋條、有肉味濃的嚴選牛後腹及咬落有口感好多汁的嚴選一口牛。香葱薄切牛舌的份量好大，可以鋪滿成隻碟，而且好新鮮，入口爽滑彈牙，燒肉不二之選。海鮮大醬湯原煲上熱辣辣，豆腐滑滑的，仲有大大隻的蝦及肥嘟嘟的蜆，海鮮味濃郁，唔太辣，好味。Lab