Video
Read full review
2016-05-16
368 views
契妹同佢媽咪最愛睇飲食節目，港產或外語一樣咁啱睇。因早前喺電視見過有關「白鬍子炸魚薯條」o既介紹 ，上週五就捉咗XO仔去Happy Hour，試過好食先買返屋企俾auntie食。入夜後o既卑利街黑漆漆，店子位置又較隱蔽，唔熟路真係會有少少難搵。食店正門o既拉敞式玻璃門大開，大大隻英文字寫出「TAKE AWAY」，好明顯係做外賣生意為主。店員清一色外籍型男，餐牌亦只有英文。貼於正門o既雜誌報導則有中有英。小店o既裝飾大多同航海有關，包括歡迎字句及洗手間門o既設計等。 此外，四周亦可見到多款啤酒、啤酒樽、啤酒箱o既擺設，似乎韓國人會選啤酒配炸雞，西人都識得飲啤酒配炸魚喎 。其中一張啤酒廣告卡紙上印出o既鬍子人物，望落去同新店o既店主、或者係負責人有八成相似，認真搞鬼 。唔知店名中o既「白鬍子」會唔會係指佢o既爸爸呢？！店內散座不多，室內o既全為高櫈圓枱，都OK好坐。收銀處身後為開放式廚房，合共有四位型男主理。雖然佢地個個大大隻，不過全部都好溫文同怕羞，見到細佬攞起相機影仲會避開添 ，女士們如有意睇靚仔就只好親身去一次。新張期內，午市有特價炸魚套餐 。啤酒及特飲則全天供應，小肥同
入夜後o既卑利街黑漆漆，店子位置又較隱蔽，唔熟路真係會有少少難搵。食店正門o既拉敞式玻璃門大開，大大隻英文字寫出「TAKE AWAY」，好明顯係做外賣生意為主。
店員清一色外籍型男，餐牌亦只有英文。
貼於正門o既雜誌報導則有中有英。
小店o既裝飾大多同航海有關，包括歡迎字句及洗手間門o既設計等。
此外，四周亦可見到多款啤酒、啤酒樽、啤酒箱o既擺設，似乎韓國人會選啤酒配炸雞，西人都識得飲啤酒配炸魚喎 。
其中一張啤酒廣告卡紙上印出o既鬍子人物，望落去同新店o既店主、或者係負責人有八成相似，認真搞鬼 。
唔知店名中o既「白鬍子」會唔會係指佢o既爸爸呢？！
店內散座不多，室內o既全為高櫈圓枱，都OK好坐。
收銀處身後為開放式廚房，合共有四位型男主理。雖然佢地個個大大隻，不過全部都好溫文同怕羞，見到細佬攞起相機影仲會避開添 ，女士們如有意睇靚仔就只好親身去一次。
新張期內，午市有特價炸魚套餐 。
啤酒及特飲則全天供應，小肥同契妹一入門口更鎖定「Guava Sparkling」為目標。
有汽o既石榴汁清新爽甜，飲落極之涼快 。
Guava Sparkling
$35
14 views
1 likes
0 comments
炸菇「Mushroom Popcorn」一客有九粒，新鮮熱辣食會覺好香脆，不過一凍咗就開始出水。
Mushroom Popcorn
$35
33 views
1 likes
0 comments
White Beard Oysters
$78
12 views
1 likes
0 comments
White Beard Oysters
$78
22 views
1 likes
0 comments
經過頭輪與小肥試食，契妹o既結論係「白鬍子炸魚薯條」所提供o既炸魚薯條可稱得上為全港頂尖之首，加上價錢咁平民化，未食完都已決定要買返屋企同auntie分享。
外賣好快就準備好，離開前契妹仲不忘跟幾位靚仔道別，並預告將好快返轉頭幫襯，似乎「型男廚房」o既魔力絕不比「美女廚房」遜色 ！
Post
