Sahara Mezz Bar (Moved) New Location

好少食中東菜，朋友就介意依間，連續幾年都有米芝蓮推介的中東菜，老闆係埃及人，各方面的優勢，已經感覺唔錯。一入到店內，老闆就好熱情招待，因為唔知食咩好，以下都係老闆幫我選擇，黎到好像都要飲下酒，所以要了一杯紅酒和啤酒，啤酒原來都幾特別，係黎巴嫩的啤酒，仲拎過香港的金獎，值得試下。homes with chicken講到中東的食物，薄餅就好似唔會少得，有兩種顏色，食落有款麥味好像重點，而雞肉整到好似吞拿魚蓉咁，有少少醬料同雞味，比我想像中淡味，但反而咁樣，薄餅和配料，味道都岩岩好，一齊品嚐到。halloumi cheese芝士沙律，第一次食這款芝士，口感好像食豆腐干，但是芝士的味道，口感仲幾彈牙，而且味道沒想像中味濃，還是淡淡的芝士香，不多不少，就算沒沙律，都唔覺肥膩。lamb stew最後係燉羊肉+飯，打開仲熱騰騰的煲，慢慢拎起一塊肉時，以為係牛腩，無論色澤和質感都很像，如果不是吃到少少的羊騷味，都以為吃的是牛，本來以為唔夠飽，但估唔到有埋飯，不過不是平時吃開的白飯，有點似小麥飯的感覺，沒什麼味道，主要襯托起羊肉煲的味道。