Video
Read full review
2020-02-01
542 views
平時weekend行過見到呢間野裝修好靚嘅餐廳都想入去食，難得有日平日放假又見佢有個set lunch，又未試過埃及地中海菜，於是就決定入去試下佢！地點：餐廳位處於石塘咀，係電車路，香港大學站出口大約步行5-10分鐘倒建議大家坐巴士或者電車會較為方便。環境：餐廳提供左室內室外座位比唔同客人選擇，不過室外就係正巴士站隔離，哈哈，喜唔喜歡就純屬個人喜好啦😏餐廳入面樓底夠高，而且有大玻璃方便引光線入內，光線溫和足夠；室內設計好有非洲味道，牆身就埃及嘅壁畫以及中東系嘅吊燈，而且用嘅碟都係精心挑選過，盡量帶比大家當地嘅風味，色系好柔和我十分鍾意😊食物質素：佢嘅set lunch係平日11-4先有，分別有五款主菜比大家揀，有肉有素，又可以按個人喜好去揀選唔同種類嘅肉。因為果日好想食肉，於是就揀左SKWERS配lamb同埋Half Aziza ChickenSkewers-Lamb Kofta with Cous Cous($110)即是羊肉串配古斯米。根據網民介紹，古斯米係一種非洲小米，係一種由粗粒小麥粉做成的健康穀物，口感非常特別，而且也很飽肚，不過質感比較散，對於食開米飯嘅我地會有少少唔習慣☺️
地點：餐廳位處於石塘咀，係電車路，香港大學站出口大約步行5-10分鐘倒建議大家坐巴士或者電車會較為方便。
環境：餐廳提供左室內室外座位比唔同客人選擇，不過室外就係正巴士站隔離，哈哈，喜唔喜歡就純屬個人喜好啦😏
餐廳入面樓底夠高，而且有大玻璃方便引光線入內，光線溫和足夠；室內設計好有非洲味道，牆身就埃及嘅壁畫以及中東系嘅吊燈，而且用嘅碟都係精心挑選過，盡量帶比大家當地嘅風味，色系好柔和我十分鍾意😊
食物質素：佢嘅set lunch係平日11-4先有，分別有五款主菜比大家揀，有肉有素，又可以按個人喜好去揀選唔同種類嘅肉。因為果日好想食肉，於是就揀左SKWERS配lamb同埋Half Aziza Chicken
Skewers-Lamb Kofta with Cous Cous($110)
即是羊肉串配古斯米。根據網民介紹，古斯米係一種非洲小米，係一種由粗粒小麥粉做成的健康穀物，口感非常特別，而且也很飽肚，不過質感比較散，對於食開米飯嘅我地會有少少唔習慣☺️
有少少甜味而又帶有粟米味道，感覺好特別！職員好熱情咁介紹我地正宗食法，首先放小麥粉係碟上面，然後再加入肉同醬汁（似芝麻醬）嘩！小麥粉吸晒啲肉汁同埋醬汁，超好食！
而羊肉方面，膻味較濃，由於本人覺得食羊就係要果陣膻味，所以覺得好正😋肉唔好睇佢燒焦左咁，其實佢係外脆內軟，肉汁鎖住係入面啱啱好！如果覺得膻就可以整番兩口沙律味中和一下，去一去濃烈嘅味道
Half Aziza Chicken with Vegetable ($105)
半隻燒春雞，又係一道高水準嘅菜式，皮脆內嫩，咬落去隻雞度唔會好乾，咬落去啲肉汁流晒出黎！雞味又濃郁，醃得好入味，完全食唔到雪味，好滿足😋
至於另加嘅果碗菜就....好普通，有西芹、西蘭花、蘿蔔、好硬嘅薯仔，所以建議大家都係叫番小麥粉或者飯好啲啦😏
另外有餐飲，可以選擇各種汽水（整罐上！）或者tea
服務：職員見我地唔係好知點揀同埋啲菜式係乜，好熱情咁介紹，又知我地第一次食Cous Cous，好細心咁教我地點食！又問我地飲唔飲野，食唔食甜品！服務態度十分好！上菜時間就稍為慢一點，但都可以接受。
價錢：套餐會另收加一，around $100有咁嘅質素真係好抵食！另外佢有happy hour，around $30一杯啤酒或者cocktail咁
Post
