URBAN Café Commune (MOKO新世紀廣場)

Open Now

Now Closed

🎐熊妹前排晚晚飯局，堅係食肥左，變左隻肥熊，所以呢排都係約少啲豬朋狗友，同阿豬媽出街食沙律好喇。📌等到阿豬媽放工都8點嚕，黎到旺角《MOKO》商場，行過呢間《URBAN Cafe Commue》有西餐有沙律，簡簡單單，就揀佢喇。📌晚餐時段都幾多人，熊妹岩岩好入左仲有張小人圓枱，後來的人就要門口排隊嚕。📌西餐menu，基本的漢堡包🍔、意粉🍝、意大利飯🍚、牛排🥩、炸魚🐟、燒雞🐥、全日早餐🍱都有齊，實有款岩食。📌不過就無set dinner，全部都散叫，但可以+$25有是日餐湯同餐飲，或者+$48就有埋甜品。韓式蜜汁牛排沙律，$108📌話左黎食沙律🥗，阿豬媽又想食牛🐮，韓式蜜汁牛排沙律就fit過london🇬🇧喇！蜜汁牛排有3小塊，蜜汁甜甜地，牛排肉質有點過熟有點韌，雖然熊妹唔係好太生，但呢個煮法有點過火了🔥，老了。沙律菜🌿就一大兜，好新鮮的，仲有幾塊紫菜配撘下，好多菜清下腸胃幾好。URBAN 3小時慢烤燒雞半隻，$148📌熊妹同阿豬媽一入黎，已經見到幾乎枱枱都有叫呢半隻燒春雞🐥，大大隻幾吸引咁，咁熊妹都唔執輸喇！嘩，一上枱，真係幾大隻喎，兩個人都應該食唔哂。燒雞面上曬滿香草碎，但唔算好香。