酥妃皇后 (侯王道)

Open Now

Now Closed

呢個蛋撻喺上環分店買過黎食，不過對比下九龍城個間，九龍城呢一間真係好好多。 先講下店員啦! 親切啦 (食完叫我哋飲下水啦!) 細心啦 (蛋撻出爐嗰陣，不停咁提醒我哋好熱㗎! 要小心熱呀!) 態度都幾好。 由於嗰日好好彩，等五分鐘就可以有新鮮的蛋撻食啦! 咁梗係等啦!聽講酥皮有成300幾層，係咪真係有300幾層就唔知喇! 但係都睇到酥皮層分明，比較脆，而且個蛋又係脹卜卜，不過我就覺得蛋的味道都唔夠香，有別於傳統的蛋撻。反而店入面其他撻吸引左我，有機會再試下!