泰國路邊街美食

Open Now

Now Closed

除夕夜，反其道找間隱世小店吃節慶飯。舖名不大氣，但不致於要坐到路邊，反而陳設多是四椅一枱格局，背對背，算是有点小空間，兩張六人枱。當今世上，要找三四十蚊碗麵，勉強下午茶有之，居然晚餐亦大方開放此價位，都算世間少有。觀其餐牌，餐牌無分午晚，不怕付款壓力只怕懶豪氣點菜點到餐枱不夠位。價錢幾乎貼近this this rice兩餸飯，味道也一有驚喜。小食選擇幾彈性，可蝦飯混魚餅（泰式炸蝦餅/魚餅$60），原件無開半取巧，每款4件。蝦餅未算蝦味濃，勝在夠燙口又彈牙；魚餅反而更勝一籌，不流於常見的乾癟，隱隠有肉汁滲出，少許魚肉香，含剁得小巧的菜莖粒，鹵水鴨（泰式鹵水鴨$55）鹵水豉油味不過鹹，反正有泰式酸汁配送。整到有潮式鹵鵝片風味，欣賞其將鴨片切得夠薄，肉質處理到類近海南雞般滑，既想食豬頸肉沙律又想啖生菜包，索性揀兩者兼得（泰式豬頸肉生菜包$55）。泰式淨豬雜$45有齊豬頭肉片、豬肚切條、豬腩片、豬腸、豬肺、豬紅⋯⋯便宜吃不求珍饈百味的選擇。