Video
Read full review
2019-12-30
1830 views
2019年12月28日。晴。炮台山。要喺呢個（福建）國度搵嘢食有少少難度呢日喺邊境搵到呢間咖啡店～咖啡店喺商場一樓，商場大部分舖位都係做補習社商場一上電梯就係餐廳喇～連星期六、日都可以嗌套餐！幾好喎～另外仲有多款咖啡選擇～吧台位置仲有其他飲品揀！適逢呢日有live music！仲要係最後一日，真係可遇不可求呀！邊食邊聽歌，好聽又有氣氛～收銀位置仲有是日花茶推介（同埋wifi password！）落單嘅時候店員仲好客氣咁問我哋要唔要認領番一棵空氣草空氣草個名好靚～聽聞好易養～有興趣嘅朋友可以去認領番啲～唔太鍾意植物嘅，可以揀食物！有應節薑餅人！日式金菇鯖魚溫泉蛋飯（$60）＋Cappuccino（$25）首先要一讚個西蘭花湯！綿滑得嚟又會食到西蘭花碎～調味啱啱好，唔覺有味精，非常好味！飯上面嘅溫泉蛋略微過熟，冇乜溏心效果，但係就反而適合同行唔食得生蛋嘅朋友，呵呵！醬汁有啲似燒汁，甜而不膩，配合鯖魚同金菇就恰到好處～咖啡當然都非常滿意～香滑濃郁～新加坡海鮮溂沙米線（$60）＋Mocha（$30）呢個係同行朋友嗌嘅，喇沙微辣，合乎大眾口味～見到海鮮數量勁多！Mocha亦唔會太甜～
要喺呢個（福建）國度搵嘢食有少少難度
呢日喺邊境搵到呢間咖啡店～
咖啡店喺商場一樓，商場大部分舖位都係做補習社
商場一上電梯就係餐廳喇～
連星期六、日都可以嗌套餐！幾好喎～
另外仲有多款咖啡選擇～
吧台位置仲有其他飲品揀！
適逢呢日有live music！仲要係最後一日，真係可遇不可求呀！
邊食邊聽歌，好聽又有氣氛～
收銀位置仲有是日花茶推介（同埋wifi password！）
落單嘅時候店員仲好客氣咁問我哋要唔要認領番一棵空氣草
空氣草個名好靚～聽聞好易養～有興趣嘅朋友可以去認領番啲～
唔太鍾意植物嘅，可以揀食物！
有應節薑餅人！
日式金菇鯖魚溫泉蛋飯（$60）＋Cappuccino（$25）首先要一讚個西蘭花湯！綿滑得嚟又會食到西蘭花碎～
調味啱啱好，唔覺有味精，非常好味！
飯上面嘅溫泉蛋略微過熟，冇乜溏心效果，但係就反而適合同行唔食得生蛋嘅朋友，呵呵！
醬汁有啲似燒汁，甜而不膩，配合鯖魚同金菇就恰到好處～
咖啡當然都非常滿意～香滑濃郁～
新加坡海鮮溂沙米線（$60）＋Mocha（$30）呢個係同行朋友嗌嘅，喇沙微辣，合乎大眾口味～
見到海鮮數量勁多！
Mocha亦唔會太甜～
Post
