Amour Green (Closed)

今日放左工，就同以前既大學同學聚舊，同學揀左始創對面既餐廳，要落地庫先入到去，條樓梯好多草，好似入左另一個安靜既世界咁侍應介紹我地4個人可以叫2個2人餐，好多選擇，價錢都唔離譜，就決定叫喇。南瓜湯好香甜好濃，唔會稀沙津正常，無咩特別。哩個生蠔係另叫，因為好想食，多人share價錢唔貴！好新鮮，加左檸檬汁好fresh，少少海水咸味，唔算好大隻，算creamy!鵝肝多士伴鵝肝醬，鵝肝好大塊，大過塊包，中意鵝肝多過醬，醬凍冰冰，唔夠濃，包夠脆，但係厚d會再好味d黑松露雜菌意大利飯，好香好香好香黑松露味，飯粒軟硬適中，質地creamy,4個人食唔夠分😂搶食青醬帶子長通粉，哩味唔夠青醬味，而且鹽粒未融，有幾條特別咸，帶子唔韌，煎得香脆豬腩肉都好肥美，忍唔住食埋d肥膏，好似梅菜扣肉既質地，伴碟既薯容香滑，但d菜唔知點解有少少苦！西冷排，叫左五成熟，好夠生，唔會韌，好juicy,當然一分錢一分貨，唔會係最靚既排，但係一定唔難食！食埋甜品好滿足，芝士蛋糕正常，士多啤梨醬唔加好過加，唔太夾總結我覺得每人食左200有找其實好抵，坐得舒服，食到好多個courses ,會再去。