Rice Paper (Closed)

本來跟女友到世貿的日本吉列專門店餐廳食吉列豬扒，但無奈七點幾到要等成廿張檯，只好退而求其次到隔離的rice paper一試。帶子芒果紙米卷：見到rice paper個名諗住點都要叫一碟誠下，結果有點失望，個皮比想像中厚，d料又食唔到有帶子同芒果。青咖哩雞：好一般，很多泰式的小店也可以好食過佢，唯一可取之處是有兩個法包來點咖哩食。燒豬仔骨：燒得個樣幾靚，但內裏肉就得少少又太靭，比起之前去荃灣的oliva叫的差很多。食到這裏我們也覺得不夠，只好再點多個餸。荷香小龍蝦飯：我和女友都讚成這個是全晚最好吃的，整個飯由荷葉包住上，飯有荷葉味料又足最後甜品是朱古力疏乎厘，原本沒什麼期望的，再加上等了近二十分鐘才到，但又意想不到的好吃。入口香甜，口感有甜像吃燉蛋，個雲呢拿雪糕都幾得。沒想到這一餐仲貴這係隔離食，雖然起初的食物不太好，還好最後的兩樣都唔錯，算是執返個桔啦。