正斗粥麵專家 (ELEMENTS圓方)

Open Now

Now Closed

香港人，雖則什麼菜色都願意試，但間唔使都會喜歡整番碗雲吞麵，至少筆者身邊有朋友係，我老媽子亦係。要講本地吃雲吞麵既地方，來來去去幾家老字號，斷估唔會數漏正斗啦卦~正斗其實有很多好東西，如著名食家曾推介過干炒牛河，又有人讚過其炸兩，不過我胃納有限，今次都係還原基本步，食番碗雲吞麵。仍是麵在頂，雲吞在底的傳統版本，但係，好似少咁隻匙羹?金絲麵爽口，雲吞細細粒，散尾，三扒兩撥吞下一碗，好滿足。始終這老字號，唔會衰得去邊。突然想整碟腸粉，叉燒腸也好。皮稱不上薄，至少唔係嚡烚烚，餡料的叉燒豐足，也是合格分數。說到底筆者亦是正義朋友，面對豬潤這邪惡的東西，即怒也，誓要將之消滅。爽爽脆脆，沒有筋，沾上醬油，我個人可以清去半碟。心思思想吃點甜，就是糕點都好過無，便選來了椰汁馬竇糕，感覺清新。最衰只賣剩一客芝麻糊，否則我都想嚐嚐。