必勝客

Open Now

Now Closed

某同事有渣打信用卡，今日lunch便柯打pizza食。由於有成七個人，所以我哋柯打咗好多嘢食，有大蝦沙律脆邊批套餐（信用卡六折優惠）- 大蝦沙律脆邊批（有蝦大大隻、菠蘿、紅蘿蔔、杏仁同大量芝士及沙律等，肥死人，個人認為一般啫，所謂既脆邊批其實唔係咁脆，味道都係麻麻哋，但有同事覺得好味）、香蒜肉絲意粉、球迷小食格格拼（魚塊炸成星星形狀及炸魷魚圈加甜酸辣汁），再另加秘製雞搥、芝士海鮮焗飯、意式千層肉醬闊麵、蒜蓉包、葡汁田園蔬菜及蘑菇忌廉雞湯四客。仲有意式迷你肉腸係送既。個人認為以上既食物無一樣係好食既，尤其係個意粉（意粉太乾，無味）、焗飯（無芝士味）及千層闊麵（以為係肉醬薯茸），完全唔掂，差過茶餐廳。堂食真係會好食好多！