Video
Read full review
2023-04-05
131 views
去咗616試近排推出嘅信州和牛616牛肉火鍋本身就有超多牛肉部位選擇，牛肉愛好者必去！近排主打親民價錢就食到日本長野縣嘅信州和牛，好吸引！坐低就自助用QR Code落單，首先揀咗湯低先，都幾多選擇。因為想試真啲和牛嘅味道，所以揀咗牛骨清湯。呢度唔收加一，只係收每位$10醬油費。◆牛骨清湯 $62呢個湯有好多舊牛骨連肉，仲有蘿蔔片，好清甜。唔想食太濃味嘅揀呢個湯啱晒！◆信州特選和牛盛(送五花趾) $234信州和牛以蘋果飼養，肉質份外鮮甜柔軟，分別有牛肩胛、牛腹肉同牛赤身選擇，三款肉質同脂肪比例唔同，各有所好。而我就當然試晒三款啦，所以揀咗【信州特選和牛盛】，一個拼盤有齊信州和牛三大部位，仲送一份澳洲五花趾，好抵食呀！三款和牛部位都肉質肥美鮮甜，輕𤆥幾秒就食得。超級建議配埋餐廳秒製嘅牛肉汁加少少柑桔汁，有提鮮作用，好好食！個人比較推介牛腹肉，脂肪比例多少少，肉質更加軟淋。澳洲五花趾有啲似牛𦟌肉，筋肉分明，帶點爽口！◆滑尾龍$48餐廳推介嘅牛肉，有隻生雞蛋，撈埋一齊先落鍋碌熟，肉質都幾軟滑，加埋隻蛋就食加滑！有啲似食滑牛咁！肉質同樣軟滑，有酒香又唔會太濃，比較特別嘅口味，幾推介！◆手打墨魚滑
616牛肉火鍋本身就有超多牛肉部位選擇，牛肉愛好者必去！近排主打親民價錢就食到日本長野縣嘅信州和牛，好吸引！
坐低就自助用QR Code落單，首先揀咗湯低先，都幾多選擇。因為想試真啲和牛嘅味道，所以揀咗牛骨清湯。呢度唔收加一，只係收每位$10醬油費。
◆牛骨清湯 $62
呢個湯有好多舊牛骨連肉，仲有蘿蔔片，好清甜。唔想食太濃味嘅揀呢個湯啱晒！
◆信州特選和牛盛(送五花趾) $234
信州和牛以蘋果飼養，肉質份外鮮甜柔軟，分別有牛肩胛、牛腹肉同牛赤身選擇，三款肉質同脂肪比例唔同，各有所好。而我就當然試晒三款啦，所以揀咗【信州特選和牛盛】，一個拼盤有齊信州和牛三大部位，仲送一份澳洲五花趾，好抵食呀！
三款和牛部位都肉質肥美鮮甜，輕𤆥幾秒就食得。超級建議配埋餐廳秒製嘅牛肉汁加少少柑桔汁，有提鮮作用，好好食！個人比較推介牛腹肉，脂肪比例多少少，肉質更加軟淋。
澳洲五花趾有啲似牛𦟌肉，筋肉分明，帶點爽口！
◆滑尾龍$48
餐廳推介嘅牛肉，有隻生雞蛋，撈埋一齊先落鍋碌熟，肉質都幾軟滑，加埋隻蛋就食加滑！有啲似食滑牛咁！
肉質同樣軟滑，有酒香又唔會太濃，比較特別嘅口味，幾推介！
◆手打墨魚滑$50
墨魚滑好彈牙，食到粒粒墨魚，配埋牛肉汁一齊食好鮮味！
◆油麥菜$28
幾新鮮爽甜，如果份量再多啲就更好！
◆鮮製手打烏冬$18
呢個手打烏冬係616同日本喺香港開嘅製麵所合作，專門整嘅手工稻庭風烏冬，比較幼身，口感嫩滑又煙韌。
◆菊花桂圓露 & 洛神玫紅菜 $16@
打邊爐唔少得叫下飲品，呢兩款都幾好飲，唔會太甜，感覺比較健康！
試咗咁多款牛肉，食完好滿足！好鍾意616嘅秘製牛肉汁呀，點咩都好好食！之後要再試下其他牛肉部位，餐廳仲好貼心有圖介紹唔同部位碌幾多秒架！616有好多分店，係約朋友聚餐嘅一個好選擇！
Post
