芝味鳥 (Moved) New Location

呢日放學之後，黎呢度買外賣返屋企食。叫左個三人餐，有個pizza、焗飯同四件炸雞。都係一百二十蚊到，唔係太貴。忌廉湯幾好飲既，料又算多。不過返到家已經唔夠熱，要翻叮。香辣pizza都算幾好食，pizza焗得好脆。料係辣辣地，有青椒、辣肉腸。材料唔係最重要，重要既係pizza辣辣地好惹味架。炸雞都係咁多汁，肉質鮮嫩啖啖肉。不過返到去食個味道係差小小。三文魚焗飯都算幾多三文魚，個飯好多芝士。忌廉汁同個味都好重。呢餐都唔錯既，不過都係堂食會好食好多。