鰹之一滴 (Closed)

話說朋友介紹，所以就去試下。（由於本人係拉麵控，所以會對拉麵比嚴格既評價！）位置算難搵 如果唔係特登去食既話，唔會路過見到。入到去都有小貓三四隻。老實講，一入去望完個環境對佢既期望唔高既。我就嗌左個味玉鰹之一滴$88試下個湯先！一試就愛上左，講下外面d拉麵底都會好咸，越濃厚就越好食！？ 咁覺得既都好正常既。呢個湯底有濃郁魚味，雖則比起外面d湯底淡左d，不過食完完全唔覺得口渴，接近日本食到既湯底。麵同肉就一般啦，無乜特別。溏心蛋又係喜出望外，一咬落去蛋黃心就湧出黎，應該係我試過最有驚喜既溏心蛋！呢間拉麵可以一戰再戰！打完呢篇食評已經想再食多次。