NUTTEA (旺角中心第一座) (Closed)

潮流興茶飲，雖然珍珠奶茶真係好好味好吸引，但始終增磅指數都爆燈，所以最近就發掘咗呢一間較健康嘅NUTTEA。呢間NUTTEA顧名思義，售賣嘅就係堅果奶系列，所以門面都有大量嘅堅果display。而且佢嘅選擇都好多，有唔同嘅口味，亦不乏以生果做主調嘅堅果奶供應。今日同朋友就揀咗兩杯唔同嘅口味試試。宇治抹茶堅果奶蓋茶賣相都好靚，抹茶味堅果奶同上面嘅芝士奶蓋非常分明，抹茶味非常濃郁。面層仲灑上堅果碎，唔止飲得仲食得。最特別嘅係佢有提供奶蓋鏟，平時飲奶蓋系列總係啜唔清啲奶蓋，覺得好婉惜，而呢個奶蓋鏟就可以將所有奶蓋連根拔起，一啲都唔嘥嘢，非常方便。另外我仲揀咗牛油果堅果奶。因為牛油果嘅關係，所以飲落特別幼滑，而且又唔太甜，簡直係健康人士嘅Morning Drink！