Video
Read full review
2023-06-29
318 views
同老婆去完荃灣既千色店掃貨之後，打算經過街市街去到眾安街果面搵下啲啱心水嘅食店。一出商場，迎接我哋嘅係一種熱辣辣嘅感覺，頂住30幾度嘅高溫，為食又怕熱嘅小弟決定加快腳步揀一間心水嘅餐廳，入去飲杯凍飲吹下冷氣。經過富華冰室，左望右望，映入眼簾嘅係一張冷麵嘅poster。抬頭一望，竟然係一個熟悉嘅招牌——堅信號。小弟雖然閑來無事都會幫襯堅信號，但係平時幫襯嘅主要都係熱辣辣嘅生煎包、小籠包等傳統上海菜小品。潛意識地將佢同「凍冰冰」呢三個字分開得遠遠的。今次難得有緣，小弟又怕要流連街頭尋尋覓覓，又驚行嚟行去兜兜轉轉都冇啱心水，決定快啲搵個位坐低吹下冷氣。一坐上張凳，第一時間即刻拎起手機掃QR code，小弟時間叫咗個冷麵（胡麻醬五彩拌冷麵），之後見到雞絲粉皮二話不說，加埋韭菜餃同凍檸茶一併下單。太太則同我選擇了一樣嘅冷麵，配上涼拌青瓜、小籠包以及凍綠茶。落單唔夠5分鐘，唔同嘅野食已經陸陸續續咁樣上齊了，灌湯小籠包一如以往嘅質素，配埋薑絲多汁好食。韭菜餃恰如其分，不過不失。值得一讚嘅係上菜時嘅溫度保持得幾好，唔會太燙口亦唔會唔夠熱。至於兩個冷盤雞絲粉皮、涼拌青瓜，呢兩個簡單嘅小食處理得幾好，特別
經過富華冰室，左望右望，映入眼簾嘅係一張冷麵嘅poster。抬頭一望，竟然係一個熟悉嘅招牌——堅信號。小弟雖然閑來無事都會幫襯堅信號，但係平時幫襯嘅主要都係熱辣辣嘅生煎包、小籠包等傳統上海菜小品。潛意識地將佢同「凍冰冰」呢三個字分開得遠遠的。
今次難得有緣，小弟又怕要流連街頭尋尋覓覓，又驚行嚟行去兜兜轉轉都冇啱心水，決定快啲搵個位坐低吹下冷氣。
一坐上張凳，第一時間即刻拎起手機掃QR code，小弟時間叫咗個冷麵（胡麻醬五彩拌冷麵），之後見到雞絲粉皮二話不說，加埋韭菜餃同凍檸茶一併下單。太太則同我選擇了一樣嘅冷麵，配上涼拌青瓜、小籠包以及凍綠茶。
落單唔夠5分鐘，唔同嘅野食已經陸陸續續咁樣上齊了，灌湯小籠包一如以往嘅質素，配埋薑絲多汁好食。韭菜餃恰如其分，不過不失。值得一讚嘅係上菜時嘅溫度保持得幾好，唔會太燙口亦唔會唔夠熱。至於兩個冷盤雞絲粉皮、涼拌青瓜，呢兩個簡單嘅小食處理得幾好，特別係雞絲粉皮同其他上海菜館的質素相近，對比所加配的價錢絕對物超所值。
《胡麻醬五彩伴冷麵》
終於嚟到今餐嘅主角，五彩冷麵一送上餐枱，色彩繽紛令人食慾大增，加上凍冰冰嘅口感，簡直色香味俱全，令人食指大動。一啖冷麵落肚，既舒服又開胃，配上絕不吝嗇的胡麻醬，霎時之間簡單嘅餐點變成了精品美食。
五彩冷麵，看似製作簡單，一注麵條，加啲火腿絲、蘿蔔絲、青瓜絲，做出一啲醬料就大功告成。但係當中所拿捏嘅比例，麵條嘅口感，甚至乎不同材料的處理，粗幼長度，其實某程度上都顯示到出品的功架。經過今次光顧之後，小弟決定係嚟緊暑假嘅日子經過附近的話會係幫襯生煎包以外，多啲走入去光顧佢嘅冷麵。
整體而言，今次不論食物質素、性價比、用餐環境以及員工態度，都是保持住堅信號一如既往嘅水準。
沒有驚喜，可能只是因為過往堅信號已經保持優質。
今次連同飲品總共叫咗八樣餐點:
雞絲粉皮
涼拌青瓜
胡麻醬五彩拌冷麵 x2
紅油韭菜餃走辣
灌湯小籠包
凍茉香綠茶
凍檸茶
餐廳名稱：堅信號上海生煎皇 (眾安街)
餐廳地址：荃灣眾安街37A號荃運樓地下C號舖
光顧日期：2023年6月28日
消費金額：159hkd/ 2ppl
胡麻醬五彩拌冷麵
$60
14 views
0 likes
0 comments
雞絲粉皮, 涼拌青瓜, 紅油韭菜餃走辣
12 views
0 likes
0 comments
灌湯小籠包
4 views
0 likes
0 comments
凍茉香綠茶, 凍檸茶
5 views
0 likes
0 comments
Post
