Take Eat Easy (Closed)

住長沙灣其實好幸福，因為呢度勁多食肆，成日有新舖頭，最近呢度又開咗間西餐小店，梗係要來試吓啦！菠菜忌廉湯😋😋😋😋本身唔鍾意食菠菜，但係覺得呢個湯好好飲，香濃嘅菠菜味但係完全唔覺得草青，加咗忌廉令口感順滑，感受到當中嘅誠意。水牛城雞翼😋😋😋😋😋即叫即炸，雞皮炸得夠香脆，食落好有咬感，雞翼keep到好Juice，而且味道辣辣地好惹味！澳洲牛肉醬墨西哥卷🌮️😋😋😋😋😋無論賣相定味道都非常吸引！😍！而且呢款墨西哥卷係港式口味，唔會辣到癲比較啱食！滿滿嘅牛肉醬非常爆餡，仲加咗洋蔥芝士同埋蔬菜，中間有爽脆感仲好香芝士味，味道層次提升之餘仲勁好食😋！大蝦意粉配龍蝦汁😋😋😋😋😋好高汁嘅意粉🍝keep到意粉有少少咬感，香甜嘅龍蝦汁仲掛滿每一條意粉，感覺just fit 唔會太水或者太乾，食得好滋味！仲有鮮甜爽實嘅大蝦s🍤，口感大滿足！飲品叫咗 #血橙梳打 #檸檬梳打 🍹，酸酸甜甜特別醒胃！